# Linguaskill
✨BIZNING SHUNDAY O'QUVCHILARIMIZ BOR
⚡⚡Maktabimiz o'quvchilari Linguaskill sertfikarlarini qo'lga kiritmoqdalar.

✨Prezident ta'lim muassasalari agentligi tizimadagi Urganch shahar 1-son ixtisoslashtirilgan maktab-internatining 10- sinf o‘quvchisi  Jumanazarova Dinora🏆 LINGUASKILL- ingliz tilini bilish darajalaridagi B1 darajani qo'lga kiritdi.  O'quvchimizni kelajakdagi rejalariga zafarlar tilab qolamiz.
🔹🔹🔹🔹🔹🔹🔹🔹🔹🔹🔹🔹🔹
https://t.iss.one/PAgencySbschKhUrgench

2022-yil 22-oktyabr kuni Prezident ta’lim muassasalari agentligi tizimidagi Urganch shahar 1-son ixtisoslashtirilgan maktab-internatida maktab-internat maslahatchisi Masharipov Sardorbek va maktab-internat psixologi Atajanova Laylo tashkilotchiligida IELTS sertifikatini olish tartib qoidalari bilan tanishtirishga bag‘ishlangan trening 10-sinf o‘quvchilari uchun bo‘lib o‘tdi. Treningni maktab-internati direktori Axmedov G‘ulomjon Jumanazarovich kirish so‘zi bilan ochdi va bu tadbirning o‘quvchilar uchun ahamiyati juda katta ekanligini tushuntirdi.
Treningni ingliz tili fani o‘qituvchisi Narimanova Anaxon olib bordi va IELTS haqida, uning imtihonlari qanday tartibda bo‘lishi, shuningdek nimalarga katta e’tibor qaratish lozimligi xususida qimmatli ma’lumotlar berib o‘tdi.
Tadbir savol-javob ruhida o‘tdi va o‘quvchilar tomonidan berilgan savollarga A.Narimanova to‘liq va tushunarli javob berdi.

#Xorazm
#Zakovat

🔰O'QITUVCHILAR HAM "ZAKOVAT"DA!

✅ Prezident taʼlim muassasalari agentligi tizimidagi Xorazm viloyatida joylashgan ta'lim muassasalari o'qituvchilari o'rtasida “Zakovat”  intellektual turniri boshlandi.

📍Turnir Urganch shahrida joylashgan 1-son ixtisoslashgan maktab-internatida o'tkazildi.

Zakovat bellashuvida Agentlik tizimidagi 12 ta jamoa qatnashdi. Maktab direktorlari jamoa sardori sifatida musobaqada munosib ishtirok etdi.

Qiziqarli va murosasiz kechgan dastlabki musobaqada hozircha Xiva shahridagi Prezident maktabi, Bog'ot tuman ixtisoslashtirilgan maktabi va Yangibozor tuman ixtisoslashtirilgan maktablari jamoalari oldinga chiqib olishdi.

📌Aytish joizki, g'oliblar 5 bosqichdan iborat bellashuvlardan keyin aniqlanadi. “Zakovat”  intellektual turnirining navbatdagi bosqichi 5-noyabr kuni Shovot tuman ixtisoslashtirilgan maktab-internatida bo'lib o'tadi.

🔷O‘zbekiston Respublikasi Prezidentining 2022-yil 14 apreldagi 106-sonli Farmoni ijrosini ta‘minlash, o‘quvchilarning qiziqishidan kelib chiqqan holda, asosiy o‘quv dasturlari bilan birgalikda sinfdan tashqari kasbga yo‘naltirilgan amaliy mashg‘ulotlar o‘tkazilishini yo‘lga qo‘yish, 10-11 sinf o‘quvchilariga yaqin hududlarda joylashgan ishlab chiqarish va xizmat ko‘rsatish korxonalarida amaliy mashg‘ulot o‘tkazish maqsadida 🔷2022-yil 24-oktyabr kuni Prezident ta’lim muassasalari agentligi tizimidagi Urganch shahar 1-son ixtisoslashtirilgan maktab-internati va “UzXCMG” MCHJ shaklidagi qo‘shma korxona (ekskavator ishlab chiqarish bo‘yicha), “Darital Shoes” MChJ (poyabzal ishlab chiqarish bo‘yicha) shuningdek, “Feruz-Xorazm” mas’uliyati cheklangan jamiyati (tikuvchilik bo‘yicha) bilan hamkorlik memorandumlari imzolandi.✅✅

Prezident ta’lim muassasalari agentligi tizimidagi Urganch shahar 1-son ixtisoslashtirilgan maktab-internati va “Tillo Domor” xususiy korxonasi bilan tuzilgan hamkorlik memorandumiga asosan 2022-yil 26-oktyabr kuni maktab-internatning 11-03 sinf o‘quvchilariga mazkur korxonaga tanishtiruv uyushtirildi.
O‘quvchilarni korxona rahbari Umar Sharipov va korxona ish boshqaruvchisi Feruzbek Qurambaevlar kutib olishdi. Korxona rahbari shu yerning o‘zida korxonada yangi turdagi pishloq yaratishda ishtirok etayotgan Germaniyalik mutaxassis, Yevropa Tiklanish va Taraqqiyot banki bosh maslahatchisi Gregor Shefer bilan tanishtirdi. Mutaxassis va o‘quvchilar o‘rtasida qizg‘in suhbat bo‘lib o‘tdi va u yoshlarga o‘qishlarida muvaffaqiyatlar tiladi. Suhbat davomida U.Sharipov korxona tarixi haqida, yutib olingan grantlar va kelajakdagi rejalari haqida gapirib berdi. O‘quvchilar o‘zlarining qiziqtirgan savollarini berishdi va ularga qoniqarli javoblarini olishdi.