Shaxmat sport turi bo‘yicha “Favqulodda vaziyatlar vaziri kubogi” musoabqasi o‘tkazildi

Bugun, 27-oktabr kuni Toshkent shahrida shaxmat sport turi bo‘yicha “Favqulodda vaziyatlar vaziri kubogi” musoabqasi bo‘lib o‘tdi.

Qiziqarli va bahslarga boy tarzda o‘tkazilgan musobaqa yakuniga ko‘ra, shaxsiy hisobda, faxrli 1-o‘rin vazirlik Akademiyasi kafedra boshlig‘i podpolkovnik Jumayev Sayfiddinga nasib etgan bo‘lsa, 2-o‘rinni vazirlik Akademiyasi kafedra boshlig‘i podpolkovnik Mirzayev Sherzod va 3-o‘rinni Farg‘ona viloyati Favqulodda vaziyatlar boshqarmasi bo‘lim boshlig‘i mayor Ergashov Qaxramonlar qo‘lga kiritdi.

Shuningdek, umumjamoa hisobida, faxrli 1-o‘rinni vazirlik Akademiyasi terma jamoasi egallagan bo‘lsa, 2-o‘rin Farg‘ona viloyati Favqulodda vaziyatlar boshqarmasi terma jamoasiga va 3-o‘rin Navoiy viloyati Favqulodda vaziyatlar boshqarmasi terma jamoasiga nasib etdi.

Musobaqa g‘olib va sovrindorlari Favqulodda vaziyatlar vaziri tomonidan diplom, medal va esdalik sovg‘alari bilan taqdirlandilar.

Favqulodda vaziyatlar vaziri general-mayor Abdulla Qo‘ldoshev yong‘in-qutqaruv sporti bo‘yicha jahon chempionati g‘oliblariga esdalik sovg‘alari va faxriy yorliqlarni topshirdi. Eslatib o‘tamiz, oktabr oyi boshida Samarqandda o‘tkazilgan ushbu jahon chempionatida O‘zbekiston terma jamoasi umumjamoa hisobida 3-o‘rinni qo‘lga kiritgan edi. Bugungi taqdirlash marosimiga sportchilarning ota-onalari ham taklif etildi.
————-
Министр по чрезвычайным ситуациям генерал-майор Абдулла Кулдашев вручил памятные призы и похвальные грамоты призёрам Чемпионата мира по пожарно-спасательному спорту. Напомним, что на этом первенстве планеты, которое прошло в Самарканде в первых числах октября, сборная Узбекистана завоевала 3-е место в общекомандном зачёте. Добавим, что на сегодняшнюю церемонию награждения были приглашены и родители наших спортсменов.

Fvv.uz | Facebook | Telegram | Youtube | instagram