🇺🇿Bo‘zatov FEST – “Yoshlar ovozi” tanlovida Xorazm viloyatidan g‘olib bo‘lgan Nazirov Otabek Baxadir o‘g‘li Prezident farmoniga asosan “O‘zbekistonda xizmat ko‘rsatgan artist” unvoni bilan taqdirlandi.

🎵“Bo‘zatov iqtidorlarni kashf etadi” degan ibora bejizga aytilmagan. Ushbu tanlovda ishtirok etib, katta sahnalarda o‘zini namoyon qilayotgan bir qator yoshlarimiz yuksak e’tiroflarga sazovor bo‘lib kelmoqda. Otabek Nazirov ham 2024-yilda bo‘lib o‘tgan tanlovning Respublika bosqichida opera yo‘nalishi bo‘yicha g‘oliblikni qo‘lga kiritgan.

@Timur_Jumaniyozov

⚡️Yangi ish haftasini kitob o‘qish bilan boshlang!

😊 Yoshlar ishlari agentligining “Mutolaa” loyihasi orqali minglab yoshlar bilim olmoqda. Bugunga kelib ilovada 3000+ audio va elektron kitoblar mavjud. Eng quvonarlisi ushbu kitoblar 5.000.000+ marta o‘qilibdi. Men ham ilova foydalanuvchisi sifatida, sizlarga “Mutolaa“ ilovasini yuklab olib, bilim oluvchilar safida bo‘lishni tavsiya qilaman.

📱Play Market 🍏 App Store

@Timur_Jumaniyozov

Uch avlod uchrashuvi

📰Yoshlarni vatanparvarlik va ona yurtga muhabbat, milliy qadriyat va an’analarimizga hurmat, shonli tariximizni chuqur bilish ruhida tarbiyalash maqsadida Urganch shahridagi Jaloliddin Manguberdi harbiy-akademik litseyida faxriylar va yoshlar ishtirokida “Uch avlod uchrashuvi” o‘tkazildi.

Uchrashuvda mamlakatimizda inson qarini ulug‘lashga yuksak e’tibor berilayotgani, davlatimiz rahbari tashabbusi bilan jamiyatimizning har bir a’zosiga g‘amxo‘rlik, mehr-oqibat ko‘rsatilayotgani, inson qadr-qimmati, uning orzu-niyatlarini ro‘yobga chiqarishga imkoniyat yaratib berish ustuvor vazifaga aylangani alohida ta’kidlandi.

✅ Yoshi ulug‘ faxriylar hayoti va mehnat faoliyati davomida to‘plagan boy tajribasi, yoshlik davridagi o‘ziga xos qiyinchiliklar, mehnat pallasidagi mashaqqatlar, nihoyat nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdi.

#Uchavloduchrashuvi #Urganchshahri

@Timur_Jumaniyozov

“Arda Xiva” turizm kompleksida ommaviy tadbirlar boshlanmoqda.

📰Prezidentimiz tashabbusi bilan barpo qilingan “Arda Xiva” turizm kompleksi ish faoliytini boshlashi munosabati bilan fevral -mart oylari davomida ommaviy tadbirlar o‘tkazilishini e’lon qilamiz.

📎 Ushbu tadbirlar tarixiy va zamonaviy elementlarni uyg‘unlashtirgan yirik turizm markazida Xorazm viloyati hokimligi tashabbusi bilan tashkil etilmoqda.

✅ Tadbirlar davomida siz majmuaga sayohat qilishingiz, ichki turizm yarmarkalari va hunarmanchilik namunalari bilan tanishib, sport musobaqalari va ma’naviy marifiy loyihalar, qolaverva “Hokim kubogi” bellashuvlarida ishtirok etishingiz mumkin.

📍 Viloyatimiz mehmonlari, vohamiz ahli va aziz yoshlar! Barchangizni “Arda Xiva” turizm kompleksida kutib qolamiz!

✈️ Qo‘shimcha ma’lumotlar Xorazm Yoshlari telegram kanalida berib boriladi.

@Timur_Jumaniyozov

Yangibozor va Gurlan tumani yoshlari bilan ochiq muloqot

✅ Ikkala hududda ham ochiq muloqot davomida yoshlarning talab va takliflari atroflicha tinglanib, ularni ijobiy hal etish yuzasidan tegishli mutasaddilarga ko‘rsatmalar berildi hamda ijrosi nazoratga olindi.

#Ochiqmuloqot

@Timur_Jumaniyozov

Diqqat, so‘rovnoma!

📎 Viloyatimiz yoshlari! Bugungi kunda Xorazm viloyatida 1 milliondan ortiq yoshlar istiqomat qilmoqda. Biz jamoamiz bilan doimiy tarzda yigit-qizlarning fikr-mulohazalarini o‘rganish maqsadida ochiq muloqot, uchrashuvlar tashkil etyapmiz. Lekin bu degani, sizlarning fikrlaringiz va muammolaringiz, tashabbuslaringizni to‘liq o‘rganishga yetarli emasdek tuyuldi. Shuning uchun men so‘rovnoma e’lon qilmoqchiman.

⬇️ Ushbu havolaga kirib ( https://forms.gle/ZGmSM5jsP1533FNg9 ) bugungi kunda viloyatimizdagi yoshlar bilan ishlash borasidagi sa'y-harakatlar haqida o‘z fikrlaringizni, yana qanday loyihalar amalga oshirish bo’yicha takliflaringiz, shuningdek duch kelayotgan muammolaringizni ham yozib qoldirishingiz mumkin.

📰So‘rovnomada yozilgan barcha fikrlarni shaxsan o‘zim o‘rganib chiqaman. Sizning fikringiz biz uchun muhim!

@Timur_Jumaniyozov

Joriy yilgi “Jasorat maktabi” o‘quv-yig‘inining birinchi mavsumiga start berildi.

✅ Mazkur o‘quv-yig‘ini Хоrazm viloyati hokimligi, Shimoli-g‘arbiy harbiy okrug, viloyat Yoshlar ishlari boshqarmasi O‘zbekiston yoshlar ittifoqi viloyat Kengashi, Urganch harbiy Prokuraturasi va Ichki ishlar boshqarmasi hamkorligida tashkil etilmoqda.

📎 Unda 18 yoshdan 30 yoshgacha bo‘lgan 100 nafar yoshlar 10 kun davomida jangovar, sport oʻyinlari, maʼnaviy-maʼrifiy loyihalar hamda kasbga yoʻnaltirish boʻyicha mashgʻulotlarda qatnashishadi.

#Jasoratmaktabi

@Timur_Jumaniyozov

🇺🇿 "Kelajak kasblari" loyihasida muvaffaqiyatga erishgan yoshlarimiz!

Yoshlar ishlari agentligining "Kelajak kasblari" loyihasi doirasida Yangibozor tumanidagi EVEREST o‘quv markazida ta’lim olib, yaxshi natijalarga erishgan yoshlarimizdan biri – Zumrad Sobirova.

✅Zumrad o‘z ustida tinimsiz ishlashi, qat’iyatliligi va bilimga bo‘lgan tashnaligi bilan boshqalarga o‘rnak bo‘lib kelmoqda. U ingliz tili va ona tili va adabiyot fanidan Milliy sertifikatni qo‘lga kiritdi.

📎 Barcha marralar zabt etilishi mumkin, agar siz ishonch va mehnat bilan olg‘a qadam tashlasangiz!

@Timur_Jumaniyozov