Зульфия атындағы мәмлекетлик сыйлығы таңлаўының районлық басқышы өткерилди.

Тахтакөпир районы 17-санлы Балалар музыка ҳәм көркем-өнер мектебинде Зульфия атындағы мәмлекетлик сыйлық ушын жәрияланған таңлаўдың районлық басқышы болып өтти.

Таӊлаўға пән, әдебият, билимлендириў, көркем-өнер, мәденият, спорт ҳәм жәмийетшилик бағдарларында жоқары жетискенликлерге ерисип киятырған қәбилетли қызлар қатнасты.

Жоқарыдағы жөнелислер бойынша айрықша жетискенликлерди қолға киргизип киятырған он төрт жастан отыз жасқа шекемги қызлар өз-ара беллести ҳәм төрешилер тәрепинен жеңимпазлар анықланды.

Таңлаў жуўмағында жеңимпаз қызларымыз, Республикалық басқышқа жоллама алды.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press

«Алтын гүз» атамасында зүрәәт байрамы өткерилди

Үлкемизде гүз мәўсими. Мәўсимлердиң орын алмасыўын, олардың ҳәр бириниң өзгешелеги, тәбийий тәбият қубылысларының айырмашылығын кишкене балаларға терең үйретиў мақсетинде, районлық 6-санлы Мектепке шекемги билимлендириў шөлкеминде «Алтын гүз» атамасында зүрәәт байрамы өткерилди.

Илажға шөлкем жәмәәти, бақша тәрбияланыўшылары ҳәм олардың ата-аналары қатнасты.

Байрам кешесинде гүз мәўсиминиң әжайып инәмлары болған палыз ҳәм мийўе өнимлериниң көргизбеси шөлкемлестирилип, усы мәўсимге арналған қосық, тақмақ ҳәм аяқ ойынлары балалар тәрепинен шеберлик пенен атқарылды.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press

🔴#online
🌿#Жасыл_мәкан

Бүгин Тахтакөпир районлық Телекоммуникация тармағы хызметкерлери тәрепинен «Жасыл мәкан» улыўма миллий жойбары шеӊберинде бөлим имараты әтирапларын жасыл аймаққа айландырыў мақсетинде абаданластырыў ҳәм нәл егиў жумыслары алып барылмақта.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press