Бүгин Қарақалпақстан Республикасы Айрықша жағдайлар басқармасы баслығы орынбасары полковник М.Сейдуллаев, Тахтакөпир районында болып, районлық Айрықша жағдайлар бөлими баслығы орынбасары майор Ж.Хожанов ҳәм тийисли тараў ўәкиллери менен биргеликте Тахтакөпир дийхан базары аймағындағы саўда орынларда өртке қарсы зәрур үскене ҳәм үскенелер менен тәмийинленгенлик дәрежесин көзден өткерди.

Тексериў барысында анықланған кемшиликлерди сапластырыў бойынша тийисли тараў ўәкиллерине көрсетпелер берилди.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press

Буннан соң, Қарақалпақстан Республикасы Айрықша жағдайлар басқармасы баслығы орынбасары полковник М.Сейдуллаев, Тахтакөпир районлық қәнигелестирилген мектебинде болып, мәўсим даўамында жүз бериўи мүмкин болған айрықша жағдайлардың алдын алыў ҳәм оларды сапластырыў, соның менен бирге зәҳәрли газден зыянланыўдың алдын алыў ҳәм зәҳәрли газден зыянланғанда биринши жәрдем көрсетиў бойынша оқыўшы жаслар қатнасыўында сәўбетлесиў өткерилди.

Сәўбетлесиў даўамында оқыўшы жаслар тәрепинен өзлери қызықтырған сораўларына жуўаплар алды.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press

#Бүгин

Президент басшылығында өткерилген Республика Руўхыйлық ҳәм ағартыўшылық Кеңесиниң кеңейтилген мәжилисинде мәденият ҳәм көркем өнер тараўын және де раўажландырыў бойынша берилген тапсырмалардың орынланыўын тәмийинлеў мақсетинде Президент админстрациясы тәрепинен дүзилген исши топар ағзалары, бүгин Тахтакөпир районында болды.

Исши топар ағзалары район орайында жайласқан Мәденият бөлиминде болып, бөлим жанын дүзилген Мәденият орайлары, дөгереклер ҳәм жәмәәтлериниң бүгинги күнде алып барып атырған жумыслары ҳәм усы дәўирге шекем қолға киргизген жетискенликлери менен танысты ҳәм алдағы режелер бойынша пикир алысты.

Сондай-ақ, соңғы жылларда ҳүрметли Президентимиз тәрепинен мәденият ҳәм көркем өнер тараўына қаратып атырған айрықша итибарын тилге алып, алдағы белгиленген ўазыйпалар бойынша кең түрде мағлыўматлар берди.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press