Тахтакөпир районында 11-октябрь – «Халықаралық қызлар күни» мүнәсибети менен байрам илажы болып өтти

Ҳәр жылы 11-октябрде дүнья жүзи бойлап қызлар күни кең түрде байрамланады. Себеби Бирлескен Миллетлер шөлкеминиң бас Ассамблеясының 2011-жыл 19-декабрдеги резолюциясына тийкарланып, 11-октябрь «Халықаралық қызлар күни» етип белгиленген.

Усы жылдың 11-октябрь күни Тахтакөпир районында сәне мүнәсибети менен район ҳәкимлиги, Шаңарақ ҳәм ҳаял-қызлар бөлими, Мәденият бөлими, Мектепке шекемги ҳәм мектеп билимлендириў бөлими, Жаслар ислери агентлиги районлық бөлими, Руўхыйлық ҳәм ағартыўшылық орайы районлық бөлими менен биргеликте байрам илажы шөлкемлестирилди.

Байрам илажында пән олимпиядасы ҳәм ҳәр түрли көрик-таңлаўлардың жеңимпазлары, сондай-ақ жас әўладты тәрбиялаўда белсендилик көрсетип киятырған билимлендириў мәкемелери ҳәм шөлкемлер, район ҳәкимлигиниң ҳүрмет жарлығы менен сыйлықланды.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press

#Фоторепортаж

Байрам илажы даўамында районлық Мәденият бөлими хызметкерлери ҳәм Мәденият орайы жанындағы дөгерек ҳәм де жәмәәтлер қатнасыўшыларының концерт бағдарламасы жыйналғанлар ңәзерине усынылады.

Тахтакөпир районы ҳәкимлигиниң мәлимлеме хызмети
КАНАЛҒА АҒЗА БОЛЫЎ:
✅https://t.iss.one/Taxtakopir_press