Сондай-ақ, сессияда Мәжбүрий орынлаў бюросы Қарақалпақстан Республикасы басқармасы тәрепинен 2021-жылдың екинши ярымында әмелге асырылған жумыслары ҳаққында Мәжбүрий орынлаў бюросы Қарақалпақстан Республикасы басқармасы баслығының есабаты тыӊланды.

Бул мәселе бойынша Мәжбүрий орынлаў бюросы Қарақалпақстан Республикасы басқармасы баслығы И.Арзиев сөзге шықты.

Каналға ағза болыў: @joqargikenes

Онда атап өтилгениндей, Өзбекстан Республикасы Президенти тәрепинен қабыл етилген Пәрман ҳәм Қарар талапларын орынлаў мақсетинде 2021-жылдың екинши ярымында Мәжбүрий орынлаў бюросы Қарақалпақстан Республикасы басқармасы, ҳәм оныӊ қала, район бөлимлери тәрепинен ис жүритиўдеги салық қарыздарлығын өндириў менен байланыслы орынлаў ҳүжжетлери бойынша 443 млрд. 385 млн. сўм, жынаят нәтийжесинде мәмлекетке жеткизилген зыянларды өндириў менен байланыслы орынлаў ҳүжжетлери бойынша 865,6 млн. сўм, мәмлекетлик бажы өндириў менен байланыслы орынлаў ҳүжжетлери бойынша 14 млрд. 268,8 млн. сўм ҳәм ҳәкимшилик жәриймаларды өндириў менен байланыслы орынлаў ҳүжжетлери бойынша 4 млрд. 248 млн. сўм өндирилген.

Каналға ағза болыў: @joqargikenes

Сессия күн тәртибинен орын алған және бир мәселе Қарақалпақстан Республикасы Экология ҳәм қоршаған орталықты қорғаў комитетиниң 2021-жыл даўамында әмелге асырылған жумыслары ҳаққындағы Қарақалпақстан Республикасы Экология хәм қоршаған орталықты қорғаў комитети баслығыныӊ есабаты болды.

Өткен бир жыл даўамында комитет тәрепинен атмосфера ҳаўасына шығарылатуғын шығындылардың шекленген муғдарын белгилеўши 61 жойбар, қоршаған орталыққа турмыслық шығындыларды жайластырыўдың шекленген муғдарын белгилеўши 33 жойбар, ақаба шығынды суўларын таслаўдың шекленген муғдарын белгилеўши 14 жойбар ҳүжжетлери көрип шығылған ҳәм экологиялық экспертиза жуўмақлары берилген.

Каналға ағза болыў: @joqargikenes

Республикамыз аймағындағы мәмлекетлик тоғай қорына кирмейтуғын терек ҳәм путалардың қымбат баҳалы сортлары кесилиўине жәрияланған мораторий дәўиринде 2021-жылда тоғай фонды жерлерине кирмейтуғын 165 мың 822 түп терек ҳәм путаларды кесиўге рухсат бериў бойынша физикалық ҳәм юридикалық шахслардан 106 мүрәжатлар келип түскен. Соннан, 63 мүрәжат бойынша айырықша баҳаға ийе болмаған 2733 түп тереклерди кесиў ҳәм форма бериўге рухсат берилген болса, 43 мүрәжаттағы 163 мың 89 түп тораңғыл, тут, жийде ҳәм басқа путалы өсимликлердиң кесилиўине рухсат берилместен сақлап қалыўға ерисилген.

Депутатлар бул мәселе бойынша тийисли қарар қабыл етти.

Каналға ағза болыў: @joqargikenes

Тахтакөпир районында Наўрыз байрамы болып өтти.
Жаңаланыў ҳəм жасарыў байрамы болған Наўрыз улыўмахалықлық байрамы ең қадирли миллий байрамларымыздан бири болып, мийрим-шəпəəт, қайыр-сақаўат, дөретиўшилик, кеңпейиллик, дослық ҳəм аўызбиршилик сыяқлы уллы пазыйлетлерди өзинде жəмлеген байрам сыпатында ҳəр жылы елимизде жоқары көтериңки руўхта белгиленип келинбекте. Бүгин усы Наўрыз улыўмахалықлық байрамы мүнəсибети менен районымыздағы “Дəўқара” стадионында байрам тамашалары өткерилди. Байрам илажына район ҳəкими Ж.Адилов қатнасып район халқын улыстың уллы күни Наўрыз байрамы менен қутлықлады. Буннан соң ҳаял-қызларымыз тəрепинен таярланған миллий тағамлар, миллий үрип-əдет дəстүрлеримизди өзинде сəўлелендириўши көргизбелер ҳəм миллий спорт ойынлары шөлкемлестирилди. Байрам районлық Мəденият бөлими тəрепинен таярланған концерт бағдарламалары менен даўам етти.
Тахтакөпир районы ҳәкимлигиниң мәлимлеме хызмети.
https://t.iss.one/taxtakopir_xakimiyati/