Hurmatli ustozlar!
Munis opa-singillar!

Sizlarni - vazirlik va uning tizimidagi barcha idora va tashkilotlarda, ta’lim muassasalarida farzandlarimiz kamoli, yurtimiz ravnaqi va kelajagi uchun fidoyilik bilan mehnat qilayotgan barcha xotin-qizlarni “8 mart — Xalqaro xotin-qizlar kuni” bilan chin qalbimdan samimiy muborakbod etaman.

Prezidentimiz tomonidan ayollarga ko‘rsatilayotgan yuksak e’tibor natijasida bugun jamiyatning turli sohalarida ayollarimizning faolligi yaqqol ko‘zga tashlanib bormoqda. Xususan ayni vaqtda umumta’lim muassasalaridagi 509 443 nafar pedagoglarning 352 085 nafari (69,1%), ixtisoslashtirilgan maktablardagi 6 611 nafar pedagoglarning 3 142 nafari (47,5%), maktabgacha ta’lim tashkilotlaridagi 151 746 nafar pedagoglarning 143 322 nafari (82.9%)ni xotin-qizlar tashkil etmoqda.
Kuni kecha e’lon qilingan “Zulfiya nomidagi Davlat mukofoti bilan taqdirlash to‘g‘risida”gi Prezident qarori asosida joriy yilda 8 nafar o‘quvchi-qiz hamda 1 nafar umumta’lim maktabining ijodiy-madaniy masalalar bo‘yicha targ‘ibotchisi Zulfiya nomidagi Davlat mukofoti bilan taqdirlandi.

Muhtarama opa-singillar!
Muhtaram Prezidentimiz poytaxtimizdagi Xalqaro kongress markazida “8 mart — Xalqaro xotin-qizlar kuni”ga bag‘ishlab o‘tkazilgan tantanali tadbirda mamlakatimiz xotin-qizlari uchun munosib sharoit yaratib berish – davlatimizning doimo e’tiborida bo‘lishini ta’kidlab o‘tdilar.
Mazkur tantanali marosimdagi “Yangi O‘zbekistonni barpo etishda, Uchinchi Renessans bunyodkori bo‘lgan yosh avlodni tarbiyalashda sizlarga, sizlarning buyuk murabbiylik fazilatlaringizga tayanamiz” degan so‘zlari yurtimizdagi barcha xotin-qizlar, xususan ayol o‘qituvchilarga bo‘lgan cheksiz hurmat va e’tiborning yorqin namunasidir.

Qadrli ayollar!
Munis opa-singillar!
Fursatdan foydalanib, Siz azizlarni yana bir bor ayyom bilan chin qalbimdan qutlayman!
Barchangizga sihat-salomatlik, oilangizga tinchlik-xotirjamlik, baxt-saodat tilayman!

Hilola Umarova,
Maktabgacha va maktab ta’limi vaziri

Diqqat! Onlayn olimpiada!

✅ Ixtisoslashtirilgan ta’lim muassasalari agentligi tizimidagi Prezident, ijod, ixtisoslashtirilgan maktab va maktab-internatlarida joriy yilning 10-11-mart kunlari 5-11-sinf o‘quvchilari o‘rtasida onlayn olimpiada bo’lib o’tadi!

✔️Olimpiada matematika, fizika, kimyo, bologiya, informatika va axborot texnologiyalari hamda Science fanlaridan o’tkaziladi.

Olimpiada jarayonida ishtirokchilarga har bir fandan 30 ta test topshiriqlari taqdim qilinadi va ularni bajarish uchun 90 daqiqa vaqt ajratiladi.

Shuningdek, Informatika va axborot texnologiyalari fanidan 2 bosqichda (test, dasturlash) tashkil etiladi.

👉O‘quvchilar ushbu onlayn olimpiadalarda Agenlikning portal.piima.uz sayti orqali ro‘yxatdan o‘tib, o‘zlari tanlagan faqat 1 ta fan bo‘yicha ishtirok etishlari mumkin.

❗️Onlayn olimpiadalarda ishtirok etish mutlaqo bepul.

👉 Batafsil saytimizda o'qing.

♾ ⭕️⭕️⭕️

👩‍💻 O‘z sohasida yangi marralarni zabt etmoqchi bo‘lgan PEDAGOGlar diqqatiga

🔔 IXTISOSLASHTIRILGAN TA'LIM MUASSASALARI AGENTLIGI
Ixtisoslashtirilgan maktab va maktab-internatlardagi bo‘sh ish (vakant) o‘rinlarga pedagog kadrlarni ISHGA TAKLIF ETADI.

Bizni tanlashingiz uchun 3 sabab:
🫥 O‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar yaratiladi;
🫥Yetakchi mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
🫥 Xalqaro tan olingan dasturlar asosida dars o‘tishingiz ta'minlanadi.

🪪 Xalqaro sertifikatlarga ega o‘qituvchilar 100% gacha ustamaga ega bo‘lishadi.

Nomzodlardan nimalar talab etiladi:
🫥 Bakalavr/magistraturani tamomlagan bo‘lishi (magistraturaning 2-bosqich talabalari ham hujjat topshirishlari mumkin);
🫥 Halollik, ishchanlik va jamoada ishlay olish qobiliyati;
🫥 Xorijiy tillarni bilgan nomzodlarga ustunlik beriladi.

📆 Hujjatlarni shu yil 7-martdan 16-martgacha (shu kuni ham) job.piima.uz sayti orqali topshirishingiz mumkin.

Tanlov haqidagi batafsil ma'lumotlarni ijtimoiy tarmoqlardagi rasmiy sahifalarimiz orqali kuzatib boring:
🌐 Veb-sayt: piima.uz
🚀 Telegram: t.iss.one/piimauz
🔵 Facebook: www.facebook.com/piima.uz
☎️ Call-markaz: (71) 207 20 17 (ichki raqam 605)

Agentlikning rasmiy sahifalariga ulanish:
Telegram | Veb-sayt | Instagram | YouTube

#Hududiy_boshqarmalar
#Xorazm

XORAZM VILOYATI: VAZIRLIKNING HUDUDIY BOSHQARMALARIGA RAHBARLIK LAVOZIMLARIGA SUHBAT BO'LIB O'TDI

✅ Maktabgacha va maktab ta'limi vazirligi Xorazm viloyatidagi hududiy boshqarmasining rahbar lavozimlariga nomzodlar bilan suhbat jarayonlari bo‘lib o‘tdi.

Unda nomzodning ta'lim va boshqaruv sohasidagi bilimlari, zamonaviy pedagogik metodlardan xabardorligi hamda ta'lim sohasida qabul qilingan normativ hujjatlar to‘g‘risidagi bilimlari sinovdan o'tkazildi.

📍Suhbat jarayonlari Xiva shahridagi Prezident maktabida bo‘lib o‘tdi.

Vazirlikning rasmiy sahifalariga ulanish
Telegram | Youtube | Facebook | Instagram