So'x tumanida "Rahbar va yoshlar uchrashuvi" tashkil etildi

Mamlakatimiz yoshlarining jamiyatdagi o‘rni, bugungi kun va kelajakdagi yutuqlari davlat miqyosida qo‘llab-quvvatlanib, ularga keng imkoniyatlar eshigi ochib berilmoqda. O‘zbekiston Respublikasi Prezidentining ko‘rsatmasi bilan Qurolli Kuchlar tizimiga kiruvchi vazirlik va idoralar tomonidan viloyat, tuman, shaharlar sektorlari kesimida respublikamizdagi jami 4 million yoshlar otaliqa olindi. Ular bilan muntazam uchrashuvlar tashkillashtirilib, murojaatlari bo‘yicha to‘g‘ri yo‘lga yo‘naltirilmoqda.

Bugun So'x tumanida Sharqiy harbiy okrug qo‘shinlari qo‘mondoni o'rinbosari, tuman hokimi o‘rinbosari, faxriylar, harbiy xizmatchilar va yoshlar ishtirokida “Rahbar va yoshlar uchrashuvi” tashkillashtirildi.

“Rahbar va yoshlar uchrashuvi” qaysidir ma’noda davra suhbati ruhida o‘tib, yoshlar o‘zlarini qiziqtirgan savollar hamda takliflari bilan murojaat qilishdi.

📍 Telegram sahifamiz: @suxlikyoshlar