#Ватанпарварлик_тадбирлари

Гулистон шаҳридаги Президент мактабида Ватан ҳимоячилари куни муносабати билан байрам тадбири ўтказилди

Гулистон шаҳридаги Президент мактабида Ўзбекистон Республикаси Қуролли кучлари ташкил этилганлигининг 32 йиллиги ҳамда Ватан ҳимоячилари куни муносабати билан байрам тадбири бўлиб ўтди.

Тадбирда, Сирдарё вилоятида жойлашган ҳуқуқни муҳофаза қилувчи органлар ва ҳарбий қисм хизматчилари иштирок этишди.

Шунингдек, қизиқарли тадбир давомида Президент мактаби мактаб ўқувчилари томонидан Ватанимизни мадҳ этувчи шеър ва қўшиқлар ижро этилиб, саҳна кўринишлари намойиш қилинди.

Тадбир якунида, ҳамкорликда ўтказилган тадбирларда фаол иштирок этганлиги учун Сирдарё вилояти Фавқулодда вазиятлар бошқармасига Президент мактабининг ташаккурномаси топширилди.

Фавқулодда вазиятлар бошқармаси раҳбарияти томонидан тегишли мутахассисларни жалб этган ҳолда Сирдарё вилояти ФВБда «Е-inspektor» аппарат-дастурий комплексидан амалда унумли фойдаланиш бўйича навбатдаги ўқув семинари ташкил этилди.

Семинарда бошқарма ва унинг маҳаллий бўлимларидаги Давлат ёнғин назорати органи мансабдор шахслари иштирок этиб, семинар кун тартибига мувофиқ бу йўналишдаги билимларини янада мустаҳкамладилар.

Якунда семинар иштирокчилари ўзларини қизиқтирган ва фаолияти давомида дуч келган саволларга асосли жавоб олдилар. «Е-inspektor» аппарат-дастурий комплексини янада такомиллаштириш бўйича таклифлар кўриб чиқилди ва инобатга олинди.

👉Сирдарё вилояти ФВБ