Shomanay rayonında Senator qabıllawı bolıp ótti

Shomanay rayonı «Begjap» awıl puqaralar jıyını aymaǵında Ózbekstan Respublikası Oliy Majlisiniń Aral boyı aymaqların rawajlandırıw máseleleri boyınsha komitet baslıǵınıń orınbasarı B.Matmuratov puqaralardı qabılladı.
Qabıllawǵa Shomanay rayonı hákimi B.Yangibaev, Shomanay rayonı 3-sektor baslıǵı P.Iskenderov, Qaraqalpaqstan Respublikasındaǵı Ózbekstan Respublikası Bas Ministriniń Isbilermenler múrájatlerin kórip shıǵıw qabıllawxanası baslıǵı R.Aytmuratov hám awıl turǵınları qatnastı.
Senator puqaralardıń ózlerin qıynap kiyatırǵan mashqalaların tıńlap, mashqalalardıń sheshimi boyınsha tiyisli taraw qánigelerine tapsırmalar berdi.
Shomanay rayonı hákimligi málimleme xızmeti
@shomanay_rayon

Senator B.Matmuratov «Jaslar dápteri» diziminde turıwshı jumıssız jaslarǵa ajıratılǵan jer maydanlarında boldı

Dáslep «Mamıy» awıl puqaralar jıyını aymaǵındaǵı «Zafar Shomanay» fermer xojalıǵında hám onnan soń «Begjap» awıl puqaralar jıyını aymaǵındaǵı «Palwanov Abubakir» fermer xojalıqlarında dıyxanshılıq etip atırǵan jaslar menen tanıstı.
Jaslardıń islegen miynetleriniń jemislerin kórip Senator, jaslardı sózge tarttı.
«Zafar Shomanay» fermer xojalıǵı 5 jasqa 3 ga jer maydanı ajıratıp berip, gúnji hám qawın ónimlerin jetistirgen bolsa, «Palwanov Abubakir» fermer xojalıǵındaǵı аltı jas birigip, 3,5 ga jer maydanǵa qawın tuqımın sewgen.
Búgingi kúnde qawınlardıń aldı pisiw aldında tur. Bir hápteden soń bazarǵa shıǵarıp dáramat alamız dep niyet etip otırmız deydi Senator menen sáwbette bolǵan Begjaplı jas Qallibek Abilov.
Shomanay rayonı hákimligi málimleme xızmeti
@shomanay_rayon