Ózbekstan Respublikası Konstituciyası qabıl etilgeniniń 32 jıllıǵı - bul mámleketimiz tariyxında áhmiyetli waqıya bolıp esaplanadı. Bul kún xalqımız ushın azatlıq, ǵárezsizlik hám demokratiyalıq jámiyet qurıw jolında áhmiyetli qádem boldı. Usı múnásibet penen Shomanay rayonındaǵı kásip-óner mektebinde ótkerilgen bayram keshesi de usı tariyxıy waqıyanı belgilewge baǵıshlandı.

Bayram keshesine mektep direktorı U.Sultamuratov, direktor orınbasarları, muǵallimler hám mektep oqıwshıları qatnastı.

Sonday-aq, 9-dekabr "Xalıqaralıq korrupciyaǵa qarsı gúresiw kúni" múnásibeti menen "Biz jaslar korrupciyaǵa qarsımız" temasında ótkerilgen shıǵarmalar tańlawı jeńimpazlarına mektep jámááti tárepinen bayram sawǵaları tapsırıldı. Bul ilaj arqalı jas áwladtı korrupciyaǵa qarsı gúresiwge, ádillik hám nızam ústinligin qorǵawǵa shaqırıw maqset etilgen edi.

Bayram keshesi oqıwshılar tárepinen tayarlanǵan bayram koncerti menen dawam etti. Oqıwshılar ózleriniń talantların kórsetip, milliy ayaq oyınları hám qosıqlar atqardı.

Bayram keshesi oqıwshılardı watansúyiwshilik ruwxında tárbiyalawǵa, olardıń intellektuallıq hám dóretiwshilik potencialın rawajlandırıwǵa qaratılǵan edi. Biziń jas áwladımızdıń Konstituciya qádiriyatların tereń ańlap, óz mámleketimizdiń keleshegin jarqın qurıwǵa umtılıwı bizdi oǵada quwandıradı.

✍️ Shomanay rayonı hákimligi Málimleme xızmeti.
🌐Veb-sayt🎬youtube 👍fakebook  
📷instagram🚀telegram

Shomanay rayonı Málimleme-kitapxana orayında Ózbekstan Respublikası konstituciyası qabıl etilgen kún  múnásibeti menen “ Konstituciya jámiyet tınıshlıǵınıń kepili ” atamasında ushırasıw bolıp ótti.

Ushırasıwǵa, Ádillik bólimi bas yurist konsulı S.Turdımuratov, Mektepke shekemgi hám mektep bilimlendiriw bólimine qaraslı 16-sanlı ulıwma orta bilim beriw mektebiniń oqıtıwshı hám oqıwshıları qatnastı.

Ushırasıw dawamında oqıwshılar tárepinen qosıq, taqmaq hám ayaq oyınlar atqarıldı.

✍️ Shomanay rayonı hákimligi Málimleme xızmeti.
🌐Veb-sayt🎬youtube 👍fakebook  
📷instagram🚀telegram

Konstituciya-baxtımız negizi

Shomanay rayonı Mektepke shekemgi hám mektep bilimlendiriw bólimine qaraslı 7-sanlı ulıwma orta bilim beriw mektebinde "Konstituciya-baxtımız negizi” atamasında bayram keshesi bolıp ótti.

Kesheni mektep direktorı A.Suleymenova  kiris sóz benen ashıp, Ózbekstan Respublikası konstituciyasınıń qabıl etilgenligine 32 jıl tolıwı múnásibeti  menen bársheni qutlıqladı.

Keshede mektep oqıwshıları tárepinen tayarlanǵan qosıq-taqmaqlar, saxnalıq kórinisler hám koncert baǵdarlaması jıynalǵanlar názerine usınıldı.

✍️ Shomanay rayonı hákimligi Málimleme xızmeti.
🌐Veb-sayt🎬youtube 👍fakebook  
📷instagram🚀telegram