Тошкентда 475 кмга яқин 34та алоҳида автобус йўлакчалари ташкил этилади

«Ҳозирги кунда Тошкент шаҳрининг марказий кўчалари бўйлаб 475 кмга яқин 34та алоҳида автобус йўлакларини ташкил этиш режалаштирилган.

Режага кўра, яқин бир ҳафта ичида асосий — Алишер Навоий, Беруний, Амир Темур ва Фарғона йўли кўчалари бўйлаб йўлакчалар ташкил этилади. Қолган кўчаларда эса 1-2 ой ичида тўлиқ ташкил этилади», — Фазлиддин Тошкенбоев, ИИВ Жамоат хавфсизлиги депертаменти йўл-ҳаракат хавфсизлиги бошқарма бошлиғи.

✅Тelegram 💬Facebook 📸 Instagram  ✅Twitter  📹YouTube

Қандай турдаги автотранспорт воситаларига автобуслар йўлакчасида ҳаракатланишга рухсат этилади?

ИИВ Жамоат хавфсизлиги депертаменти йўл-ҳаракат хавфсизлиги бошқарма бошлиғи Фазлиддин Тошкенбоевнинг айтишича, пойтахтда автобуслар учун чизилаётган йўлакчалар жамоат транспортларининг тирбандликда қолмаслиги учун зарур.

Ушбу йўлакчаларда автобуслардан ташқари фақатгина тез ёрдам, ёнғин хавфсизлиги ва ИИВ автомобиллари ҳаракатланиши мумкин.

Қолган автотранспорт воситаларига эса ҳаракатланиш тақиқланади ва бу тегишли жавобгарликка сабаб бўлади.

Аммо ҳар қандай автомобилга маълум сабабга кўра, масалан, йўл ёқасидаги объектларга ёки кўчага кириш учун ушбу йўлакда фойдаланишга рухсат этилади.

Бунинг учун йўлакчаларда узиқ чизиқлар мавжуд бўлиб, тахминан 40-50 метр масофа белгиланади. Кўча ёки объект бошланган жойда ушбу узиқ чизиқларнинг таъсир доираси тугайди ва автомобиллар автобуслар учун мўлжалланган йўлакчани бўшатиб қўйишлари талаб этилади.

✅Тelegram 💬Facebook 📸 Instagram  ✅Twitter  📹YouTube

Транспорт вазири ҳам жамоат транспортида юрадими?

«Тошшаҳартранс» АЖ бошқарув раиси ўринбосари Абдужамил Азизовнинг айтишича, транспорт вазири Илҳом Маҳкамов ҳар ҳафта камида 4 маротаба уйдан ишга боришда ёки ишдан уйга боришда жамоат транспортидан фойдаланади.

✅Тelegram 💬Facebook 📸 Instagram  ✅Twitter  📹YouTube

Тошкент шаҳридаги жамоат транспортларидаги муаммолар ечими бўйича қандай ишлар амалга ошириляпти?

«Тошшаҳартранс» АЖ бошқарув раиси ўринбосари Абдужамил Азизовнинг айтишича, ушбу муаммоларни бартараф этиш учун мавжуд барча 148 та йўналиш ўрганиб чиқилди.

Тегишли ташкилотлар билан ҳамкорликда 204 та автобуслар олиб келинди ва йўналишга чиқарилди.

Хусусан, ИИВдан 30 та “ISUZU” русумли, Миллий гвардиядан 25 та “ISUZU” русумли, Транспорт вазирлигидан 16 та “ЮТОНГ” русумли, Самарқанд вилоятидаги “UZ TRUCK AND BUS MOTORS” корхонасидан 20 та “МAN” русумли, катта ҳажмли, 13 та
“SAZ-LE-60” русумли ҳамда 100 та “ISUZU” русумли автобуслар келтирилган.

Натижада, йўналишдаги автобусларнинг ҳаракатланиш оралиқ вақти 25-30 дақиқадан 10-12 дақиқага қисқарди.

✅Тelegram 💬Facebook 📸 Instagram  ✅Twitter  📹YouTube

Айрим йўналишлардаги автобуслар интервалга амал қилмайди. Ушбу ҳолат бартараф этиладими?

«Автобусларнинг тирбандликда қолиб кетиши натижасида оралиқ масофа узайиб кетаётган эди. Айниқса, 116-йўналишли автобус бозор ҳудудидан ўтганлиги ҳам бунга таъсир кўрсатган.

Аммо сўнгги чоралар натижасида ушбу муаммолар бартараф этилди», — Абдужамил Азизов, «Тошшаҳартранс» АЖ бошқарув раиси ўринбосари.

✅Тelegram 💬Facebook 📸 Instagram  ✅Twitter  📹YouTube

Транспорт соҳасидаги ўзгаришлар бироз вақтдан кейин тўхтаб қолмайдими?

Абдужамил Азизов, «Тошшаҳартранс» АЖ бошқарув раиси ўринбосари: «Йўқ. Бу ислоҳотлар мунтазам давом этади.

Давлатимиз раҳбарининг топшириғи билан 2023 йилнинг март ойида Тошкент шаҳри учун 1000 дона автобус харид қилиб йўналишларга берилади.

Бу орқали шаҳарда сифатли ва қулай жамоат транспорти таъминланади».

✅Тelegram 💬Facebook 📸 Instagram  ✅Twitter  📹YouTube

Жамоат транспорти қатновидаги мавжуд муаммоларни эски моделдаги қулайликлари ва шароити кам бўлган транспортлар билан ҳал қилиш мумкинми?

Абдужамил Азизов, «Тошшаҳартранс» АЖ бошқарув раиси ўринбосари:

«Албатта, эски ҳаракат таркиби билан муаммоларни ҳал қилиб бўлмайди. 2023 йилда мингта автобус харид қилинади.

Бундан ташқари, 2025 йилгача жамоат транспорти таркибидаги автобусларни тўлиқ янгилаш кўзда тутилган».

✅Тelegram 💬Facebook 📸 Instagram  ✅Twitter  📹YouTube

Жамоат транспортлари ҳолатини назорат қилиш ва ўз вақтида таъмирлаш бўйича қандай ишлар амалга ошириляпти?

«Ҳозирда Тошкентдаги 8та автобус саройини тўлиқ модернизация қилиш ва қайта жиҳозлаш, уларга малакали мутахассисларни жалб этиш ишлари бошланди.

Автобусларни жорий таъмирлашга 5 млрд. сўм ажратилди. Ажратилган маблағлар ҳисобидан 32 та техник носоз автобуслар жорий таъмирланди, қолган 227 таси янги йилга қадар таъмирдан тўлиқ чиқарилади.

Бундан ташқари, «Тошшаҳартранс» АЖга қарашли «Тошавтотаъмир» унитар корхонаси ҳам фаолият кўрсатмоқда», — Абдужамил Азизов, «Тошшаҳартранс» АЖ бошқарув раиси ўринбосари.

✅Тelegram 💬Facebook 📸 Instagram  ✅Twitter  📹YouTube

Автобусларнинг оралиқ масофаси билан боғлиқ муаммо қачон тўлиқ ҳал бўлади?

Ушбу саволга «Тошшаҳартранс» АЖ бошқарув раиси ўринбосари Абдужамил Азизов жавоб берди.

«Бу муаммо фақатгина йўналишдаги автобусларнинг сонига боғлиқ эмас. Бу йўл инфратузилмасига, автобуслар учун алоҳида йўлаклар ташкил қилиниши билан ҳам боғлиқ.

Масалан, Алишер Навоий кўчасида автобуслар учун алоҳида йўлаклар ташкил этилгач, жамоат транспорти тўсиқсиз ҳаракатланишни бошлади.

✅Тelegram 💬Facebook 📸 Instagram  ✅Twitter  📹YouTube

Нега йўловчи гавжум бўлган айрим йўналишларга кичик ҳажмли автобус қўйилган?

«Бу оралиқ интервалларни қисқартириш учун вақтинчалик ечим. Тез орада йўловчилар гавжум бўлган йўналишларга катта сиғимли автобуслар жойлаштирилади», — «Тошшаҳартранс» раҳбари ўринбосари.

✅Тelegram 💬Facebook 📸 Instagram  ✅Twitter  📹YouTube