🚧 Шайхонтоҳур туманиг Абдулла Қодирий кўчасининг Ислом университети қаршисидан ўтган қисмида сайилгоҳ ташкил этилмоқда.

Маълумки А.Қодирий кўчаси бўйлаб экилган кўп йиллик дарахтлар атрофга салқинлик таратиб туради. Бу ерда шунингдек аҳолининг дам олиши учун ўриндиқлар ўрнатилган эди.

Бугунга келиб ушбу худуд янгича қиёфада қайта шакилланмоқда. Йўллар таъмирланмоқда, суғориш тизимлари янгиланмоқда, замонавий ўриндиқлар ўрнатилмоқда. Аҳолининг хордиқ чиқариши учун қулайликлар яратилмоқда.

✍️ Шайхонтоҳур туман ҳокимлиги
Матбуот хизмати

“Конституцияни янги таҳрирда қабул қилиш нимага керак?” дегувчилар диққатига.

Оддий бир мисол: аввалги Конституциянинг 13-моддасида “Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади”, дея белгиланган бўлса, Янги таҳрирдаги Конституцияда “инсоннинг давлат органлари билан ўзаро муносабатларида қонунчиликда юзага келадиган, бартараф этиб бўлмайдиган барча қарама-қаршиликлар ва ноаниқликлар инсон фойдасига талқин қилиниши” аниқ кўрсатилади (13-модда).

Масалан, давлат ва фуқаро ўртасида баҳсли масала юзага келди, унинг ечими қонунчиликда йўқ. Ёки бор қоидаларга қаралса, 2 хил талқин қилиш мумкин. Бу вазиятда ким ҳақ: давлатми ёки фуқаро?

Конституцияга киритилаётган ўзгаришга кўра, эндиликда мана шундай мунозарали қарама-қаршиликлар ва ноаниқликлар инсон фойдасига ҳал қилинади.

Бу инсон шаъни ва қадр-қимматини улуғлашга қаратилган мамлакатимиз сиёсатнинг амалдаги тасдиғи бўлиб хизмат қилади.

Адолат тўлиқ ҳукм сурмайдиган мамлакатда ҳеч қачон олға силжиш, эртанги кунга ишонч бўлмайди. Бежизга бир кунлик адолат минг кунлик ибодатдан афзал дейишмаган. Шунинг учун мамлакатимизда холис, адолатли судларни йўлга қўйиш муҳим аҳамиятга эга.

Судларнинг ноҳақ, адолатсиз қарорлари олдини олиш, фуқароларнинг уларга бўлган ишончини янада мустаҳкамлаш учун эса, қонунчиликда бунга кучли замин яратиш керак. Шу мақсадда Конституциянинг 44-моддаси янада такомиллаштирилмоқда. Бу ҳатто давлат органлари ёки мансабдор шахсларининг ҳам қонунга хилоф қарорлари, ҳаракатлари ёки ҳаракатсизлиги рўй берган тақдирда судларнинг ҳар қандай ташқи босимларга қарамай адолатли ҳукм чиқаришини таъминлайди.

Яқинларга хам тарқатинг

(Тошкент Хабарлари👇)
➥ https://t.iss.one/joinchat/Qb72vgBjfm81NjFi

Нега бизга дунёга машҳур брендлар, франшизаларнинг кириб келиши қийин ёки умуман имконсиз? Масалан, McDonald’s, Starbucks қачондир бизда ҳам очилишига нима тўсқинлик қилади?

Гап шундаки, шу пайтгача бизда ерга давлат мулки сифатида қаралган, мулкдорлар фақат унда қурилган объектга эгалик қилишарди. Янги таҳрирдаги Конституцияда ерга нисбатан хусусий мулкчилик белгиланяпти. 55-модда “Ер қонунда назарда тутилган шартлар асосида ва тартибда хусусий мулк ҳам бўлиши мумкин.” шаклида ўзгармоқда.

Бу дегани, энди ердан фойдаланиш самарадорлиги ошади. Ҳақиқий ўрта мулкдорлар қатлами пайдо бўлади. Кўчмас мулк бозори ўсади. Бир парча бўлса ҳам ери бор аҳолининг кредитга лаёқатлилик даражаси ошади. Мамлакатнинг инвестицион жозибадорлиги кучаяди.

@nurbekalimov

Конституцион ислоҳотлар баҳонасида конунчиликдаги кўплаб бўшлиқларнинг ўрни тўлдириб кетиляпти. Масалан, ер масаласида узоқ йиллардан бери йиғилиб қолган муаммолар кўп. Конунан ер давлатники, амалда эса турли йўллар билан уларни эгаллаб олиш ҳолатларига дуч келамиз.

Бундан ташқари, тадбиркор ёки фермерлар ер ўзиники бўлмагани, қачондир кимлардир томонидан тортиб олинишидан қўрқиб яшагани учун ҳам ердан самарали фойдаланишга эмас, қисқа муддатда кўпроқ даромад олишга мойил бўлади, узоқ муддатли лойиҳалар ҳақида ўйламайди. Инвесторлар билан ҳам худди шундай.

55-модданинг ўзгартирилиши эса, ерга нисбатан хусусий мулкчилик белгиланишини англатади. Бу кўпгина муаммоларнинг ўз-ўзидан ечим топишига ёрдам беради, албатта. Ерга нисбатан бозор муносабатларининг жорий қилиниши мамлакатнинг инвестицион жозибадорлигини ҳам ошириши, шубҳасиз.

@segmentuz