🇺🇿#Rasmiy_munosabat

Sergeli tumani hokimligi ijtimoiy tarmoqlarda tarqalgan "Habibiy" mahallasidagi "Simple Town" ko‘p qavatli turar-joy majmuasiga oid xabarlar yuzasidan shuni ma'lum qiladiki,

"Simple Town" turar-joy majmuasida qurilish ishlari yakunlanib, fuqarolar bilan tuzilgan shartnomalar asosida xonadonlarni topshirish 2024-yil dekabr oyi oxirigacha rejalashtirilgan. Ayni paytda 20 ta xonadonning uy egalari o‘z xonadonlariga ta'mirlash ishlari maqsadida kirib, yashab kelmoqda.

Mazkur ko‘p qavatli uyning kadastr hujjatlari hozirda quruvchi tashkilot tomonidan 2024-yil dekabr oyi oxirigacha yakunlanishi kutilmoqda. Kadastr hujjatlari to‘liq shakllantirilgandan so‘ng, gaz tarmog‘iga ulash ishlari amalga oshirilishini ma'lum qilamiz.

Shu bilan birga, Sergeli tumani hokimining o‘rinbosari tomonidan fuqarolar bilan uchrashuv o‘tkazilib, mazkur masalalar yuzasidan batafsil tushuntirish berildi.

Sergeli tumani hokimligi mazkur masalani o‘z nazoratiga olgan bo‘lib, quruvchi tashkilot bilan hamkorlikda barcha hujjatlarni tayyorlash va kommunikatsiya tizimlarini to‘liq ishga tushirish jarayonlari jadallashtirilmoqda.

Fuqarolarimizdan rasmiy manbalarga ishonishlarini so‘raymiz. Har qanday qo‘shimcha savollar yuzasidan Sergeli tumani hokimligi yoki quruvchi tashkilotga murojaat qilishingiz mumkin.

Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanining yoshlar yetakchilari e’tirof etildi!

🎉 Tumanimizda faoliyat yuritayotgan ikki nafar yoshlar yetakchisi "Toshkent yoshlarni sevadi" oyligi doirasida munosib taqdirlanib, chet elga sayohat hamda dam olish maskaniga yo'llanmaga ega bo‘ldi.

🤩 Shuningdek, "Yilning eng namunali mahalla yoshlar yetakchisi" tanlovining Toshkent shahar bosqichida faxrli o‘rinlar qo‘lga kiritildi.

🥇-o‘rinni "Yangi Sergeli" va "Nomdanak" MFY yoshlar yetakchilari,

🥉-o‘rinni esa "Habibiy" va "Ko‘hna Qumariq" MFY yoshlar yetakchilari turli yo‘nalishlar bo‘yicha qo‘lga kiritdi.

Tumanimiz yoshlar yetakchilarining muvaffaqiyatlari bilan barchani tabriklaymiz!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Sayyor_qabul

"Tuman hokimining navbatdagi sayyor qabuli: fuqarolar murojaatlari hal etildi"

Sergeli tumani "Sadoqat" mahallasida tuman hokimi Elbek Shukurovning navbatdagi sayyor qabuli bo‘lib o‘tdi. Unda fuqarolarning turli yo‘nalishlardagi muammolari tinglanib, ularni hal qilish bo‘yicha amaliy choralar ko‘rildi.

Sayyor qabul davomida ko‘plab murojaatlar joyida hal etildi. Fuqarolar tomonidan moddiy yordam, dori-darmon ta’minoti, kommunal xizmatlarga oid muammolar hamda boshqa masalalar bo‘yicha murojaatlar qabul qilindi. Hokim Elbek Shukurov mazkur masalalarga mas’ullar bilan birgalikda yechim topish bo‘yicha aniq ko‘rsatmalar berdi.

Ushbu qabullar fuqarolar bilan ochiq muloqotni ta’minlash va ularning muammolarini tezkorlik bilan hal qilishga qaratilgan bo‘lib, mahalliy aholi tomonidan ijobiy baholanmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website