✅ Сергели тумани ҳокимлигида Тошкент шаҳар прокурори ўринбосари Элбек Инамджанов, Сергели тумани ҳокими Элбек Шукуров раҳбарлигида республика, шаҳар ва туман миқёсидаги банк раҳбарлари иштирокида оператив йиғилиш бўлиб ўтди.

👉 Йиғилиш иштирокчиларига Сергели туманида "Маҳаллабай" ишлаш тизимини амалга ошириш, бу борада ҳамкорликдаги ишларни йўлга қўйиш, банк ташкилотлари мутасаддиларига йирик лойиҳалар бўйича амалий кўмак бериш, секторлар ва банк ташкилотлари тадбиркор ўртасида кўприк вазифасини ўташи лозимлиги айтиб ўтилди.

👉 Шунингдек, Сергели тумани ҳудуди катта заҳира манбаларига эга эканлиги, 3 кун муддат ичида Ишчи гуруҳи барча 33 та МФЙ фаолияти билан яқиндан танишиши, хўжалик субъектлари, аҳоли билан ишлаш механизмларини, ҳар бир МФЙда мавжуд бўлган имкониятларни ўрганиши, ўсиш нуқталари (драйверлар)ни аниқлаши, корхоналарни кенгайтириш бўйича асосланган ҳолда тегишли таклифлар бериши, ички имконият ва ресурслардан оқилона фойдаланиши, ўзлаштирилмаган ҳудудларга ҳам жиддий эътибор қаратиши, кўп қаватли уйлар ертўла қисмларидан унумли фойдаланиш ишларини кенг кўламда давом эттириш ва бошқа бир қатор долзарб масалалар бўйича тегишли топшириқ ва кўрсатмалар берилди.