🇺🇿#Xabarlar

Sergeli tumani Mudofaa ishlari bo‘limida, 14-yanvar “Vatan himoyachilari kuni” munosabati bilan bir guruh harbiy xizmatchilar taqdirlandi!

Sergeli tumanida faoliyat ko‘rsatib kelayotgan Mudofaa ishlari bo‘limi, O‘zbekiston Milliy gvardiyasi Sergeli tumani qo‘riqlash bo‘limi, tuman Favqulodda vaziyatlar bo‘limi hamda O‘zbekiston Milliy gvardiyasiga qarashli 81140-sonli harbiy qismida sidqidildan mehnat qilib kelayotgan harbiy xizmatchilarni taqdirlash marosimi bo‘lib o‘tdi.

Tadbirda tuman hokimining o‘rinbosari O‘. Mahkamov so‘zga chiqib, O‘zbekiston Respublikasi Qurolli Kuchlari tashkil etilganligining 33 yilligi munosabati bilan yig‘ilganlarni samimiy tabriklab, tuman hokimining tabrigini o‘qib eshittirdi.

Shundan so‘ng, Vatanimiz tinchligi hamda xavfsizligi yo‘lida mehnat qilib kelayotgan harbiylarga tuman hokimining tashakkurnomasi va sovg‘alari topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Mahallalarda fuqarolarning muammolarini hal etishga yondashuv: Amaliy yordamlar va tushuntirish ishlari

Mahallalarda fuqarolar murojaatlari bo‘yicha keng ko‘lamli ishlar olib borilmoqda. Har bir murojaatni joyida hal qilish, aholini o‘ylantirayotgan masalalarni chuqur o‘rganib, ularga aniq yechim topish mahalla tizimining asosiy maqsadlaridan biri hisoblanadi.

Oilaviy muammolarni bartaraf etish, aholiga kredit olish masalalarida ko‘maklashish, tadbirkorlikni rivojlantirishga doir yo‘nalishlarda maslahat va amaliy yordam ko‘rsatilmoqda. Shuningdek, ijtimoiy himoyaga muhtoj fuqarolarga moddiy va ma’naviy yordam berish choralari ko‘rilmoqda. Nogironligi bo‘lgan shaxslar, kam ta’minlangan oilalar va boquvchisini yo‘qotganlarga maxsus dasturlar asosida yordam ko‘rsatish davom ettirilmoqda.

Fuqarolarning ta’lim, sog‘liqni saqlash va boshqa ehtiyojlarini qondirish maqsadida davlat tashkilotlari bilan hamkorlik yo‘lga qo‘yilgan. Mahallalarda tashkil etilgan ushbu tizimli ishlar aholining turmush darajasini yaxshilash, farovonligini oshirish va ijtimoiy barqarorlikni ta’minlashga xizmat qilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida yangi issiqlik markazi qurilishi masalasi muhokama qilindi

Sergeli tumani hokimining Qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish bo‘yicha o‘rinbosari A.Ganiyev boshchiligida yig‘ilish bo‘lib o‘tdi. Unda tumandagi kommunal xizmatlar rahbarlari ishtirok etishdi.

Yig‘ilish davomida Sergeli tumanida yangi issiqlik markazini qurish bo‘yicha masalalar batafsil muhokama qilindi. Qurilish jarayonida hududdagi kommunikatsiyalarni modernizatsiya qilish, ekologik xavfsizlikni ta'minlash va ko‘kalamzorlashtirish bo‘yicha aniq vazifalar belgilab olindi.

Yig‘ilishda sohada yuzaga kelishi mumkin bo‘lgan muammolar, ularni bartaraf etish choralari hamda loyiha ishlarini amalga oshirishda mutasaddi tashkilotlarning o‘zaro hamkorligi muhokama qilindi.

Mazkur issiqlik markazi tumandagi infratuzilmani yaxshilash va aholi uchun yanada qulay sharoit yaratishga qaratilgan muhim loyiha bo‘lib, uning amalga oshirilishi tumanda energiya ta'minotining samaradorligini oshirishga xizmat qiladi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿 #Xabarlar

Sergeli tumanida "Ayollar daftari" shakllantirilmoqda

Sergeli tumanida xonadonma-xonadon yurilib, xotin-qizlarning muammolarini o‘rganish jarayoni davom etmoqda. Ushbu jarayon orqali “Ayollar daftari” bilan ishlash tizimining 6-bosqichi tashkil etilmoqda va ro‘yxat shakllantirilmoqda.

Maxsus ishchi guruhlar tomonidan har bir mahallada oilalarning moddiy imkoniyatlari, oilaviy ahvoli o‘rganilib, “Ayollar daftari” ro‘yxati tuzilmoqda. Bu tizim xotin-qizlarning ijtimoiy himoyasini ta’minlashda muhim ahamiyatga ega.

Tumanimiz aholisidan ushbu hatlov jarayonida faol ishtirok etishlarini so‘raymiz.
____

В Сергелийском районе формируется "Реестр женщин"

В Сергелийском районе продолжается процесс обследования домохозяйств для изучения проблем женщин. В рамках этого процесса организован 6-й этап работы с "Реестром женщин", в ходе которого составляется список.

Специальные рабочие группы в каждом махалле исследуют материальные возможности семей и их семейное положение, что способствует созданию реестра женщин. Эта система имеет важное значение для обеспечения социальной защиты женщин.

Призываем жителей нашего района активно участвовать в этом процессе.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿 #Xabarlar

"Yoshlar balansini" shakllantirish maqsadida xatlov ishlari tashki etilmoqda

Yoshlar siyosatining samarali amalga oshirilishi uchun muhim tashabbus boshlandi. Endilikda, yoshlar to‘g‘risidagi zarur ma’lumotlar "Yoshlar daftari" va "Yoshlar portali" elektron platformalariga muntazam ravishda kiritilib boriladi. Buning uchun mahallalarda xatlov o‘tkazilishi, yoshlarning ehtiyojlari va muammolarini aniqlashga imkon yaratadi. Ushbu ma’lumotlar orqali yoshlar bilan samarali ish olib borish, ularni ijtimoiy va iqtisodiy jihatdan qo‘llab-quvvatlashga yo‘naltirilgan chora-tadbirlar ishlab chiqiladi. Shuningdek, yoshlar muammolarini tizimli ravishda hal etish va ularga o‘z imkoniyatlarini yanada kengaytirish uchun aniq ma’lumotlar bazasi yaratish rejalashtirilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar
#Gender_tenglik

“Gender tenglik faoli” milliy tanlovining respublika bosqichida Sergeli tumani hokimligi taqdirlandi

Joriy yilning 16-yanvar kuni “Gender tenglik faoli” milliy tanlovining respublika bosqichi g‘oliblarini taqdirlash marosimi bo‘lib o‘tdi.
Marosimni Oliy Majlis Senati Raisi Tanzila Narbayeva qutlov so‘zi bilan ochib berdi.

“Gender tenglik faoli” milliy tanlovi Xotin-qizlarning jamiyatdagi rolini oshirish, gender tenglik va oila masalalari bo‘yicha Respublika komissiyasi tashabbusi bilan har yili anʼanaviy tarzda o‘tkazib kelinmoqda.
Ushbu tanlovni tashkil etishdan asosiy maqsad har bir tashkilotda gender tenglikni taʼminlashga qaratilgan siyosatni shakllantirish, sohada amalga oshirilayotgan ilg‘or tajribalarni aniqlash va ommalashtirish hamda xotin-qizlarning huquq va manfaatlarini himoya qilishdan iborat.

⭐"Gender tenglikni ta'minlashda eng faol tuman (shahar) hokimligi" nominatsiyasi bo‘yicha faxrli 2-o‘rinni Sergeli tumani hokimligi qo‘lga kiritdi.
Tashkilotda gender tenglik uchun barcha sharoitlarni yaratgan tuman hokimligi rahbariyatiga, ushbu yutuqda faol ishtirok etgan Oila va xotin-qizlar bo‘limiga, shuningdek, tanlovda qatnashgan barcha xodimlarga chuqur minnatdorlik bildiramiz.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar
#Tibbiy_kórik

Sergeli tumani hokimligi xodimlari uchun tibbiy ko'rik tashkil etildi

✅Davlat xizmatchilari salomatligini mustahkamlash maqsadida bugun, 22-yanvar kuni, O‘zbekiston Respublikasi Prezidenti huzuridagi Davlat xizmatini rivojlantirish agentligining Toshkent shahar filiali va Toshkent shahar SSBB tashabbusi bilan Sergeli tuman tibbiyot birlashmasi shifokorlari ishtirokida hokimlik xodimlari uchun tibbiy ko‘rik tashkil etildi.

Hokimlik xodimlari turli yo‘nalishdagi tor mutaxassislar: okulist, nevropatolog, xirurg, LOR, ginekolog, urolog, terapevt, endokrinolog, kardiolog ko‘rigidan o‘tkazildi. Shuningdek, EKG, UTT va laborator qon tahlillari tashkil etildi.

Tekshiruvlar natijasiga ko‘ra, xodimlarga salomatligi to‘g‘risidagi xulosalar, shuningdek, chuqurlashtirilgan ko‘rik uchun yo‘llanmalar berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Bolalar masalalari bo‘yicha Sergeli tuman komissiyasining yig‘ilishi bo‘lib o‘tdi

Mazkur yig‘ilishda tuman komissiyasi raisi, Sergeli tumani hokimi Elbek Shukurov rahbarligida komissiya a‘zolari ishtirok etishdi. Shuningdek, yig‘ilishga maktab direktorlari va maktablarda o‘quvchilar o‘rtasida ichki tartib qoidalariga rioya qilish uchun mas‘ul bo‘lgan Milliy gvardiyaning psixolog-inspektorlari ham taklif etildi.

Yig‘ilishda 2024-2025 o‘quv yili davomida o‘quvchi yoshlarning dars mashg‘ulotlariga muntazam qatnashishini ta‘minlash masalalari muhokama qilindi. Jumladan, darslarga kelmayotgan o‘quvchilarni dars mashg‘ulotlariga qaytarish uchun zarur choralar ko‘rish, ularning ota-onalari bilan doimiy suhbatlar olib borish bo‘yicha mas‘ullarga tegishli ko‘rsatmalar berildi.

Bundan tashqari, mahalla yettiligi a‘zolariga ham o‘quvchilarni maktabga jalb qilish bo‘yicha targ‘ibot va tushuntirish ishlarini kuchaytirish topshirig‘i berildi. Yig‘ilishda o‘quvchi yoshlarni ta‘limga jalb etishda mahalla va maktab o‘rtasidagi hamkorlikni yanada mustahkamlash bo‘yicha muhim qarorlar qabul qilindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

✅Poytaxtimizning Sergeli tumanidagi 300-sonli umumta'lim maktabida “Yangi O‘zbekiston armiyasi – mamlakat tayanchi, xalqimiz faxri!” shiori ostida harbiy-vatanparvarlik hamda ma'rifiy tadbir uyushtirildi.

🇺🇿 O'zbekiston Respublikasi Milliy gvardiyasi Toshkent shahar Qo'riqlash boshqarmasi Sergeli tumani qo'riqlash bo'limi, Respublika ma'naviyat va ma'rifat markazi Sergeli tuman bo'linmasi va "Nuroniy" jamg'armasi Sergeli tuman bo'lim boshlig'i, Toshkent shahar Milliy Gvardiya Boshqarmasi Birlashgan Faxriylar kengashi raisi, iste'fodagi podpolkovnik Jurayev M. hamkorligida 3-sinf o'quvchilari bilan birgalikda "Milliy gvardiya-Yurt tayanchi" sinfi ochilganligi munosabati bilan tadbir o'tkazildi.

Tadbirda ta'lim-tarbiya sifatini yaxshilashda maktab va ota-onalar amaliy hamkorligi, kiyinish madaniyati va odob-axloq qoidalari kabi masalalar yuzasidan mas'ullar so'zga chiqdi.

✅ Tadbir so'nggida na'munali xulqi va a'lo baholari bilan tengqurlariga ibrat bo'layotgan oʻquvchilarning ota-onalariga tashakkurnomalar topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿 #Xabarlar #Hokim_qabuli

Tuman hokimligi binosida fuqarolar qabuli tashkil etildi

Sergeli tuman hokimligi binosida tuman hokimi Elbek Shukurov boshchiligida navbatdagi fuqarolar qabuli bo‘lib o‘tdi.

🔍Qabul davomida 30 nafardan ortiq fuqaroning murojaatlari ko‘rib chiqildi. Ularning uy-joy, bandlik, ijtimoiy himoya, ta’lim va sog‘liqni saqlash kabi yo‘nalishlardagi muammolari har tomonlama o‘rganildi.

Mazkur qabuldan asosiy maqsad fuqarolarni qiynayotgan dolzarb masalalarni hal qilish va aholining hayot sifatini oshirish uchun zarur choralarni ko‘rish.
Hokim tomonidan har bir murojaat bo‘yicha mas’ul mutasaddilarga aniq vazifalar yuklatildi va muammolarni imkon qadar tez hal qilish uchun kerakli topshiriqlar berildi.

📌Bu kabi qabullar fuqarolar bilan ochiq muloqot qilish hamda ularning muammolariga yechim topish yo‘lida muhim qadam bo‘ladi.
___

В здании хокимията района Сергели прошел очередной прием граждан, организованный под руководством хокима района Элбека Шукурова.

🔍В ходе приема было рассмотрено более 30 обращений граждан, касающихся таких вопросов, как жилье, занятость, социальная защита, образование и здравоохранение. Все эти проблемы были детально проанализированы.

Основной целью мероприятия было решение насущных проблем граждан и принятие мер для улучшения качества жизни населения. Хоким дал указания ответственным специалистам для скорейшего разрешения каждого вопроса и выполнения соответствующих поручений.

📌Такие приемы являются важным шагом в установлении открытого диалога с гражданами и в поиске эффективных решений их проблем.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida "Xavfsiz va sog‘lom poytaxt" tadbirlari samarali tashkil etildi

Sergeli tumani IIO FMB HPB Xotin-qizlar masalalari bo‘yicha katta inspektorlari tomonidan Sergeli tumani hududi miqyosida "Xavfsiz va sog‘lom poytaxt" maxsus tezkor-profilaktik kompleks tadbirlari yuzasidan bir qator samarali ishlar amalga oshirildi.
Shuningdek, tuman kesimida kriminalogen vaziyat barqarorligini ta’minlash, jinoyatlarni aniqlash, tezkor-profilaktik tadbirlarni jadallashtirish, mahallalarda faoliyat olib borayotgan "yettilik" hamda mahalla imomlarini jalb qilgan holda har-bir xonadonni o‘rganilib, xotin-qizlar bilan profilaktik suhbatlar olib borildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida yoshlar o'rtasida kitobxonlik tadbirlari o'tkazilmoqda

O‘zbekiston Respublikasi Prezidentining 2022-yil 19-yanvardagi PQ-92-sonli qarori ijrosi doirasida, Sergeli tumani "Nilufar" mahallasidagi kitobxon yoshlar tomonidan Sa’dullo Quronovning "Galaktikada bir kun" asari muhokama qilindi.

Tadbirda yoshlar milliy qadriyatlarimizni aks ettiruvchi adras va atlas liboslarda hamda o‘zbek do‘ppisi bilan ishtirok etishdi. Tadbirning asosiy maqsadi – yoshlarni milliy qadriyatlarga hurmat ruhida tarbiyalash va kitobga bo‘lgan mehrini oshirishdan iborat.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar #Inson

“Inson” ijtimoiy xizmatlar markazi: 100 dan ortiq yordam va xizmatlar

Sergeli tumani “Inson” ijtimoiy xizmatlar markazi ijtimoiy himoyaga muhtoj aholini qo‘llab-quvvatlash maqsadida 100 dan ortiq turdagi xizmatlarni amalga oshirmoqda. Markazning asosiy yo‘nalishlari quyidagilardan iborat:

Moddiy yordam va moliyaviy ko‘mak: kam ta’minlangan oilalar va nogironligi bo‘lgan shaxslarni moddiy yordam va subsidiya bilan ta’minlash.

Tibbiy xizmatlar va qo‘llab-quvvatlash: bepul tibbiy ko‘riklar, nogironlik reabilitatsiyasi va surunkali kasalliklarga chalinganlarga dori-darmon yetkazib berish.

Psixologik yordam: stress va oilaviy muammolarga duch kelganlarga maslahat berish hamda maxsus psixologik dasturlarni amalga oshirish.

Ijtimoiy moslashuv va bandlik: ishsiz fuqarolarni band qilish, nogironlar uchun maxsus ish o‘rinlari tashkil etish.

Oilalarni qo‘llab-quvvatlash: farzandli oilalarga parvarish puli ajratish hamda oilaviy zo‘ravonlik qurbonlariga yordam ko‘rsatish.

Markazning mazkur xizmatlari aholining hayot sifatini yaxshilash va ularni qo‘llab-quvvatlashga qaratilgan. Qo‘shimcha ma’lumot olish uchun markazga murojaat qilishingiz mumkin.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

2025-yilda mahallalarda xavfsiz muhitni yaratish va huquqbuzarliklarning oldini olish bo‘yicha yig‘ilish o‘tkazildi

Bugun Sergeli tumanida mahallalarda xavfsiz muhitni shakllantirish hamda huquqbuzarliklarning barvaqt oldini olish tizimi samaradorligini oshirish masalalariga bag‘ishlangan muhim yig‘ilish bo‘lib o‘tdi.

Yig‘ilish davomida huquqbuzarliklarni oldini olish uchun mahalliy darajada amalga oshirilayotgan chora-tadbirlar, xavfsizlikni ta'minlashning dolzarb masalalari va ushbu yo‘nalishda belgilangan vazifalar muhokama qilindi. Ishtirokchilar tizimning samaradorligini oshirish uchun yangi yondashuvlarni ishlab chiqish, aholi, ayniqsa yoshlar va oilalar bilan ishlashda faoliyatni kuchaytirish lozimligini qayd etdilar.

Shuningdek, mahallalarda jamoatchilik va fuqarolar ishtirokida xavfsiz muhit yaratish bo‘yicha yangi tashabbuslar ilgari surildi va ularga oid topshiriqlar belgilab olindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

"Juma ma’naviyat kuni" doirasida Botirjon Ergashev bilan ijodiy uchrashuv

Respublika ma'naviyat va ma'rifat markazi Sergeli tuman bo‘linmasi va Tuman maktabgacha va maktab ta’limi bo‘limi hamkorligida Sergeli tumani 317-IDUMda “Juma ma’naviyat kuni” doirasida “Mendirman o‘sha she’ri yaralish tarixi” mavzusida davra suhbati tashkil etildi.

Tadbirga shoir, Yozuvchilar uyushmasi raisi o‘rinbosari, O‘zbekiston Respublikasi Madaniyat vaziri, Xalq artisti Ozodbek Nazarbekovning mashhur qo‘shiqlar muallifi, taniqli jamoat arbobi Botirjon Ergashev tashrif buyurdi.

Uchrashuvda o‘quvchilar taniqli shoirga o‘zlarini qiziqtirgan savollar bilan murojaat qilib, qimmatli javoblar olishdi. Tadbir yakunida mehmon o‘quvchi yoshlarga esdalik sovg‘alarini ulashdi. Mazkur davra suhbati nafaqat ijodiy ilhom, balki ma’naviy ozuqa ham bag‘ishladi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanidagi kanallar tozalandi va tartibga keltirildi

Sergeli tumani hududidagi "Yuqori darxon" hamda "Junariq" mahallalaridan oqib o'tuvchi kanal kanallar boshqarmasi xodimlari tomonidan tozalanib, tartibga keltirildi. Ushbu ishlar hudud aholisi uchun qulaylik yaratish va suv resurslaridan samarali foydalanishni ta'minlash maqsadida amalga oshirildi.

Tozalash jarayonida kanallarning suvoqava o'tkazuvchanligini oshirish, ularni atrof-muhitga zarar yetkazmaydigan holatga keltirishga alohida e’tibor qaratildi.
Shu kabi tozalash va obodonlashtirish ishlari tumanning boshqa hududlarida ham davom ettirilishi rejalashtirilgan.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida kamondan otish bo‘yicha tuman bosqichi musobaqasi o‘tkazildi

O‘zbekiston Respublikasi Prezidentining 2021-yil 21-iyuldagi “Kamondan otish sport turini yana-da rivojlantirish va ommalashtirish choratadbirlari to‘g‘risida”gi qarori ijrosini ta'minlash maqsadida, Sergeli tumanida mahalla yoshlarining ishtirokida kamondan otish sport turi bo‘yicha tuman bosqichi musobaqasi o‘tkazildi. Musobaqada yosh sportchilar o‘z mahoratlarini namoyish qilib, ushbu sport turi bo‘yicha o‘zaro bellashdilar. Ushbu tadbir sportning ommalashuvi va yoshlar o‘rtasida sog‘lom turmush tarzini targ‘ib qilishga qaratilgan.

✍️ Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website