🇺🇿#Xabarlar

"Bek va Lola" Multfilmi: Bolalar tarbiyasida yangi loyihalar amalda

2024-yil 5-noyabr kuni Respublika Ma'naviyat va Ma'rifat markazi rahbari O.Hasanov boshchiligida o'tkazilgan yig'ilishning ijrosini ta'minlash maqsadida, Toshkent shahar Sergeli tumani Ma'naviyat va Ma'rifat markazi tashabbusi bilan tumandagi barcha maktabgacha ta'lim tashkilotlari tarbiyalanuvchilari uchun "Bek va Lola" nomli milliy animatsion multfilmi namoyish etildi.

Mazkur multfilm milliy qadriyatlar asosida yaratilgan bo'lib, bolajonlarning ma'naviy tarbiyasini yuksaltirish, odob-axloq qoidalarini o'rgatish va ta'lim berishga qaratilgan. Shu munosabat bilan, maktabgacha ta'lim tashkilotlarida ertalab badantarbiya mashg'ulotlari oldidan va kun davomida "O'zbek alifbosini o'rganamiz" nomli qismlar muntazam namoyish etilishi yo'lga qo'yildi.

Bu tashabbus bolajonlar tarbiyasini milliy ruhda rivojlantirish va ularning qiziqishlarini oshirishga qaratilgan samarali tadbir bo'ldi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumani Oila va xotin-qizlar bo‘limining yillik hisoboti

Sergeli tumanida oila va xotin-qizlar bo‘limining 2024-yilda amalga oshirilgan ishlari yuzasidan yillik hisoboti bo‘yicha yig‘ilish o‘tkazildi.

Yig‘ilishda O'zbekiston mahallalar uyushmasi tuman bo‘limi, adliya bo‘limi, tibbiyot birlashmasi, Kambag‘allikni qisqartirish va bandlik bo‘limi, tijorat banklari, FHDYO bo‘limi vakillari, mahalla raislari, xotin-qizlar faollari, profilaktika inspektorlari, otinoyilar, imom-xatiblar hamda "Oqila ayollar" harakati a’zolari ishtirok etdi.

Tadbirda 2025-yilda amalga oshiriladigan hamkorlikdagi rejalar kelishib olindi. Shu bilan birga, Daryo bo‘yi, Sug‘diyona, Xonobodtepa, Madadkor va Yuqori Darxon mahallalarining xotin-qizlar faollari o‘z tajribalari bo‘yicha taqdimot qildi.

Yig‘ilish yakunida tuman hokim o‘rinbosari va oila va xotin-qizlar bo‘limi boshlig‘i tomonidan 2025-yil uchun amalga oshiriladigan ishlar yuzasidan murojaatnoma o‘qib eshittirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida mahallalarni rivojlantirishga oid yillik ishlar muhokama qilindi

Sergeli tumani Mahallani qoʻllab-quvvatlash Kengashi raisi Elbek Shukurov boshchiligida sektor rahbarlari, tuman hokimining barcha oʻrinbosarlari hamda mahalla yettiligi vakillari ishtirokida 2024-yilda amalga oshirilgan ishlar yuzasidan yigʻilish oʻtkazildi.

Yigʻilishda mahallalarda jinoyatchilikning oldini olish, aholi muammolarini hal qilish, ishsizlik va kambagʻallikni kamaytirish, oilaviy ajrimlarning oldini olish, migratsiyani nazorat qilish kabi masalalar atroflicha muhokama qilindi. Shuningdek, ijtimoiy himoyaga muhtoj aholi qatlamlari bilan ishlashda erishilgan yutuqlar va mavjud kamchiliklar ham ko‘rib chiqildi.

Mahallani qoʻllab-quvvatlash Kengashi raisi Elbek Shukurov bu boradagi ishlarni tizimli ravishda davom ettirish, muammolarni imkon qadar mahalla darajasida hal qilish va aholining farovonligini oshirish bo‘yicha aniq vazifalarni belgilab berdi.

Yig‘ilish yakunida 2025-yilga qaratilgan rejalar muhokama qilinib, har bir yo‘nalish bo‘yicha mas’ullar zimmasiga tegishli topshiriqlar yuklatildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumani mahallalari xodimlari taqdirlandi

Sergeli tumani hokimiyati tomonidan yil yakuni bo‘yicha mahallalar xodimlarini taqdirlash marosimi o‘tkazildi. Tadbirda tumandagi barcha mahalla xodimlari ishtirok etib, bayramona va ko‘tarinki kayfiyatda o‘tdi.

Tadbirda Sergeli tuman hokimi Elbek Shukurov va O‘zbekiston Mahallalar Uyushmasi Toshkent shahar raisi Furqat Maxmudxo‘jayev ishtirok etdilar. Ular o‘z nutqlarida mahalla tizimi rivoji va jamiyat hayotidagi ahamiyatini alohida ta’kidladilar.

🔹 Yil davomida fidokorona mehnat qilgan xodimlar faoliyatlari uchun estalik sovg‘alari bilan taqdirlandilar. Ushbu e’tibor mahalla xodimlarining kelgusidagi ishlariga rag‘bat bo‘lib xizmat qilishi, shubhasiz.

Tumandagi mahallalar jamoatchilikni birlashtiruvchi kuch sifatida yanada samarali faoliyat olib boradi. Bu kabi tadbirlar esa jamiyat hayotida muhim o‘rin tutadi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida “Yoshlarni oilaviy hayotga tayyorlash” dasturi doirasida 22 juft yosh nikohlanuvchilar o‘qitildi

2024-yil dekabr oyida Sergeli tumani Oila va xotin-qizlar bo‘limi hamda FHDYO bo‘limi hamkorligida “Yoshlarni oilaviy hayotga tayyorlash” markaziga biriktirilgan mas’ul o‘qituvchilar tomonidan nikohlarini rasmiylashtirish uchun ariza bergan yosh oila quruvchilar uchun o‘quv mashg‘ulotlari tashkil etildi.

Mazkur mashg‘ulotlarda Sergeli tumani FXDYO bo‘limi mudirasi D.Radjabova, psixolog M.Raxmatullaeva, tuman bosh otinoysi M.Muxamedova, Respublika Ma’naviyat va ma’rifat markazi Sergeli tumani bo‘linmasi rahbari G.Xudaybergenova va Toshkent shahar adliya boshqarmasi Sergeli tumani FHDYO bo‘limi ish yurituvchisi yoshlarga tibbiy, huquqiy, psixologik, ma’naviy-ma’rifiy hamda diniy masalalarda dars o‘tishdi.

Mashg‘ulotlar davomida yoshlarga:

⭐reproduktiv salomatlikni ta’minlash va ona hamda bolalikni muhofaza qilish;
⭐kitob o‘qish madaniyati va uning oilaviy hayotdagi ahamiyati;
⭐oila a’zolari o‘rtasidagi muomala va to‘g‘ri munosabatlarni mustahkamlash;
⭐ibratli ota-ona bo‘lishga tayyorgarlik bo‘yicha amaliy va nazariy ko‘rsatmalar berildi.
O‘quv mashg‘ulotlarini muvaffaqiyatli tamomlagan 22 juft yosh nikohlanuvchilarga maxsus sertifikatlar topshirildi. Ushbu dastur doirasida 2024 yil davomida jami 367 ta juftliklar o‘qitilib, baxtli va mustahkam oilaviy hayot barpo etish bo‘yicha zarur bilimlarga ega bo‘lishdi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumani hokimligida muhokama yig‘ilishi bo‘lib o‘tdi

Joriy yilning 6-yanvar kuni Sergeli tumani hokimligida tuman hokimining birinchi o‘rinbosari A.Jumaboyev, sektor rahbarlari, tegishli tashkilotlar vakillari hamda O‘zbekiston Mahallalari Uyushmasi raisining maslahatchisi S.Murodov ishtirokida muhim masalalarni muhokama qilish bo‘yicha yig‘ilish tashkil etildi.

Yig‘ilishda tumandagi 46 ta mahallada quyidagi yo‘nalishlarda ishlarni tashkil etish masalalari ko‘rib chiqildi:

➡️Jinoyatchilikka qarshi kurashish chora-tadbirlari;
➡️Migratsiyadan qaytgan fuqarolar uchun munosib mehnat sharoitlarini yaratish;
➡️Ayollar daftari bo'yicha xatlov o'tkazish;
➡️Ayollar va yoshlar bandligini ta’minlash;
➡️Aholiga sifatli ijtimoiy xizmatlar ko‘rsatish darajasini oshirish;
➡️Barqaror soliq tushumlarini ta’minlash.

Yig‘ilish davomida 2025-yilga mo‘ljallangan rejalar tasdiqlandi. Tegishli tashkilotlar rahbarlari tomonidan har bir yo‘nalish bo‘yicha aniq vazifalar belgilandi va yil yakuniga qadar erishilishi lozim bo‘lgan ko‘rsatkichlar tasdiqlandi.
Ushbu chora-tadbirlar mahalla aholisi turmush darajasini yaxshilashga, ijtimoiy barqarorlikni ta’minlashga va iqtisodiy ko‘rsatkichlarni yaxshilashga qaratilgan.

Tashkil etilgan rejalar doirasida barcha mas’ullarga o‘ziga biriktirilgan vazifalarni qisqa muddatlarda amalga oshirish topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida "Ayollar daftari" bo‘yicha xatlov ishlari boshlandi

Sergeli tumanida "Ayollar daftari"ga xotin-qizlarni kiritish bo‘yicha xatlov ishlari mahallalardagi ishchi guruhlari tomonidan olib borilmoqda.

Shuningdek, O‘zbekiston Kasaba Uyushmalari Federatsiyasining Toshkent shahar Kengashi mas’ul vakili Feruza Rajapova xatlov jarayonlarini joylarda o‘rganib, tegishli tavsiyalar berdi.

Hududdagi xotin-qizlar murojaatlari uchun zarur ma’lumot va qo‘llab-quvvatlash ishlari ham tashkil etilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

2025-yilda Bandlik va kambağallikni qisqartirishga qaratilgan vazifalar belgilandi

⌛2025-yilda aholi bandligini ta'minlash va kambag'allikni qisqartirish bo‘yicha rejalarni ishlab chiqish doirasida asosiy vazifalar belgilab olindi. Ushbu muhim masalalar Toshkent shahar Kambag'allikni qisqartirish va bandlik boshqarmasi boshlig‘i A.Sattarova, tuman hokimi o‘rinbosari A. Jumaboyev hamda Sergeli va Yangihayot tumani hokim yordamchilari ishtirokida muhokama qilindi.

Kelgusida mazkur rejalarni samarali amalga oshirish bo‘yicha hududiy tadbirlar tashkil etilishi ko‘zda tutilgan.
____

В 2025 году определены основные задачи по обеспечению занятости населения и сокращению бедности

⌛ В рамках разработки планов по обеспечению занятости населения и сокращению бедности в 2025 году были определены основные задачи. Данные вопросы обсуждались с участием начальника Управления сокращения бедности и занятости города Ташкента А. Саттаровой, заместителя хокима района А. Джумабоева, а также помощников хокимов Сергелийского и Янгихаётского районов.

В дальнейшем планируется организация региональных мероприятий для эффективной реализации данных планов.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Ko‘hna Qumariq mahalla fuqarolar yig‘ini hududida joylashgan M. Zamaxshariy 2-tor ko‘chasida suv quvuri tizimidagi nosozliklarni bartaraf etish bo‘yicha ta’mirlash ishlari davom etmoqda. Ta’mirlash ishlari natijasida ko‘cha aholisi uzluksiz va sifatli suv bilan ta’minlanishi kutilmoqda.

Mazkur jarayon doirasida qo‘shimcha muammolarni aniqlash va bartaraf etish ishlari ham amalga oshirilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Mahallalarda ijtimoiy-ma'naviy muhitni yaxshilash bo‘yicha muhokama yig‘ilishi o‘tkazildi

Mahallalarda ijtimoiy-ma'naviy muhitni yaxshilash, onalar va bolalar reproduktiv salomatligini mustahkamlash hamda voyaga yetmaganlar o‘rtasidagi salbiy holatlarning oldini olish bo‘yicha 2024-yil yakunlari sarhisobi hamda 2025-yilda hamkorlikda ishlash yuzasidan muhokama yig‘ilishi bo‘lib o‘tdi.

Yig‘ilishni tuman hokimi o‘rinbosarlari O. Maxkamov va N.Jo‘raeva tanqidiy ruhda o‘tkazdi.

Tadbirda tumandagi barcha umumta’lim maktablari direktorlari, oila poliklinikalari mudirlari, xotin-qizlar bo‘yicha profilaktika inspektorlari, Milliy gvardiya vakillari, mahallalardagi xotin-qizlar faollari, imom-xatiblar va otinoyilar ishtirok etishdi.

Yig‘ilish bayoni asosida barcha tashkilotlarga hamkorlikda ishlash bo‘yicha vazifalar belgilandi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Fuqarolar murojaatlari hal qilinmoqda

Sergeli tumani "Eski Jaloyir" mahallasida fuqarolarning tadbirkorlik faoliyatini rivojlantirish bo‘yicha sharoitlar o‘rganilib, zarur tushuntirishlar berildi. Shuningdek, murojaatlar tegishli tartibda ko‘rib chiqilib, yechimlar bo‘yicha dalolatnomalar rasmiylashtirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergelida maktablarda profilaktik dezinfeksiya tadbirlari o'tkazildi

Toshkent shahar Sergeli tumani Sanepidqo‘mita dezinfektor xodimlari tomonidan umumta'lim maktablarida 3-chorak boshlanishi oldidan profilaktik dezinfeksiya ishlari amalga oshirildi. Ushbu tadbirlar o‘quvchilar salomatligini himoya qilish hamda xavfsiz ta’lim muhitini ta'minlash maqsadida tashkil etildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumani Mudofaa ishlari bo‘limida, 14-yanvar “Vatan himoyachilari kuni” munosabati bilan bir guruh harbiy xizmatchilar taqdirlandi!

Sergeli tumanida faoliyat ko‘rsatib kelayotgan Mudofaa ishlari bo‘limi, O‘zbekiston Milliy gvardiyasi Sergeli tumani qo‘riqlash bo‘limi, tuman Favqulodda vaziyatlar bo‘limi hamda O‘zbekiston Milliy gvardiyasiga qarashli 81140-sonli harbiy qismida sidqidildan mehnat qilib kelayotgan harbiy xizmatchilarni taqdirlash marosimi bo‘lib o‘tdi.

Tadbirda tuman hokimining o‘rinbosari O‘. Mahkamov so‘zga chiqib, O‘zbekiston Respublikasi Qurolli Kuchlari tashkil etilganligining 33 yilligi munosabati bilan yig‘ilganlarni samimiy tabriklab, tuman hokimining tabrigini o‘qib eshittirdi.

Shundan so‘ng, Vatanimiz tinchligi hamda xavfsizligi yo‘lida mehnat qilib kelayotgan harbiylarga tuman hokimining tashakkurnomasi va sovg‘alari topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Mahallalarda fuqarolarning muammolarini hal etishga yondashuv: Amaliy yordamlar va tushuntirish ishlari

Mahallalarda fuqarolar murojaatlari bo‘yicha keng ko‘lamli ishlar olib borilmoqda. Har bir murojaatni joyida hal qilish, aholini o‘ylantirayotgan masalalarni chuqur o‘rganib, ularga aniq yechim topish mahalla tizimining asosiy maqsadlaridan biri hisoblanadi.

Oilaviy muammolarni bartaraf etish, aholiga kredit olish masalalarida ko‘maklashish, tadbirkorlikni rivojlantirishga doir yo‘nalishlarda maslahat va amaliy yordam ko‘rsatilmoqda. Shuningdek, ijtimoiy himoyaga muhtoj fuqarolarga moddiy va ma’naviy yordam berish choralari ko‘rilmoqda. Nogironligi bo‘lgan shaxslar, kam ta’minlangan oilalar va boquvchisini yo‘qotganlarga maxsus dasturlar asosida yordam ko‘rsatish davom ettirilmoqda.

Fuqarolarning ta’lim, sog‘liqni saqlash va boshqa ehtiyojlarini qondirish maqsadida davlat tashkilotlari bilan hamkorlik yo‘lga qo‘yilgan. Mahallalarda tashkil etilgan ushbu tizimli ishlar aholining turmush darajasini yaxshilash, farovonligini oshirish va ijtimoiy barqarorlikni ta’minlashga xizmat qilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Sergeli tumanida yangi issiqlik markazi qurilishi masalasi muhokama qilindi

Sergeli tumani hokimining Qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish bo‘yicha o‘rinbosari A.Ganiyev boshchiligida yig‘ilish bo‘lib o‘tdi. Unda tumandagi kommunal xizmatlar rahbarlari ishtirok etishdi.

Yig‘ilish davomida Sergeli tumanida yangi issiqlik markazini qurish bo‘yicha masalalar batafsil muhokama qilindi. Qurilish jarayonida hududdagi kommunikatsiyalarni modernizatsiya qilish, ekologik xavfsizlikni ta'minlash va ko‘kalamzorlashtirish bo‘yicha aniq vazifalar belgilab olindi.

Yig‘ilishda sohada yuzaga kelishi mumkin bo‘lgan muammolar, ularni bartaraf etish choralari hamda loyiha ishlarini amalga oshirishda mutasaddi tashkilotlarning o‘zaro hamkorligi muhokama qilindi.

Mazkur issiqlik markazi tumandagi infratuzilmani yaxshilash va aholi uchun yanada qulay sharoit yaratishga qaratilgan muhim loyiha bo‘lib, uning amalga oshirilishi tumanda energiya ta'minotining samaradorligini oshirishga xizmat qiladi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿 #Xabarlar

Sergeli tumanida "Ayollar daftari" shakllantirilmoqda

Sergeli tumanida xonadonma-xonadon yurilib, xotin-qizlarning muammolarini o‘rganish jarayoni davom etmoqda. Ushbu jarayon orqali “Ayollar daftari” bilan ishlash tizimining 6-bosqichi tashkil etilmoqda va ro‘yxat shakllantirilmoqda.

Maxsus ishchi guruhlar tomonidan har bir mahallada oilalarning moddiy imkoniyatlari, oilaviy ahvoli o‘rganilib, “Ayollar daftari” ro‘yxati tuzilmoqda. Bu tizim xotin-qizlarning ijtimoiy himoyasini ta’minlashda muhim ahamiyatga ega.

Tumanimiz aholisidan ushbu hatlov jarayonida faol ishtirok etishlarini so‘raymiz.
____

В Сергелийском районе формируется "Реестр женщин"

В Сергелийском районе продолжается процесс обследования домохозяйств для изучения проблем женщин. В рамках этого процесса организован 6-й этап работы с "Реестром женщин", в ходе которого составляется список.

Специальные рабочие группы в каждом махалле исследуют материальные возможности семей и их семейное положение, что способствует созданию реестра женщин. Эта система имеет важное значение для обеспечения социальной защиты женщин.

Призываем жителей нашего района активно участвовать в этом процессе.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website