🇺🇿#E_qaror #Budjet_loyihasi

Ijtimoiy tarmoqlar orqali Toshkent shahri va viloyatlarda mahalliy budjetlar ochiqligi ta’minlanmaganligi va 2025-yil uchun tasdiqlangan budjet loyihalari yopiq holatda qabul qilinganligi haqida xabarlar tarqaldi.

Ma'lumot uchun, O‘zbekiston Respublikasi Budjet kodeksi talablariga asosan, 2025-yil Sergeli tumani mahalliy budjet loyihalari belgilangan tartibda jamoatchilik muhokamasidan o‘tkazish uchun regulation.gov.uz normativ-huquqiy hujjatlar loyihalari muhokamasi portaliga joylashtirilgan.

Shuningdek, Toshkent shahar va tumanlar mahalliy byudjetlarining 2025-yil uchun tasdiqlangan ko‘rsatkichlari “E-qaror” yagona elektron tizimida ochiq holatda e’lon qilingan.

Sergeli tumani 2025-yil uchun tasdiqlangan budjet loyihasi to‘g‘risidagi mahalliy kengash tomonidan qabul qilingan qarorni quyidagi havola orqali ko‘rish mumkin:

https://regulation.gov.uz/oz/d/104603
(27.12.2024-yil, III-4-040-14-201-K/24, https://e-qaror.gov.uz/doc/2190023)

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Ko‘hna Qumariq mahalla fuqarolar yig‘ini hududida joylashgan M. Zamaxshariy 2-tor ko‘chasida suv quvuri tizimidagi nosozliklarni bartaraf etish bo‘yicha ta’mirlash ishlari davom etmoqda. Ta’mirlash ishlari natijasida ko‘cha aholisi uzluksiz va sifatli suv bilan ta’minlanishi kutilmoqda.

Mazkur jarayon doirasida qo‘shimcha muammolarni aniqlash va bartaraf etish ishlari ham amalga oshirilmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Mahallalarda ijtimoiy-ma'naviy muhitni yaxshilash bo‘yicha muhokama yig‘ilishi o‘tkazildi

Mahallalarda ijtimoiy-ma'naviy muhitni yaxshilash, onalar va bolalar reproduktiv salomatligini mustahkamlash hamda voyaga yetmaganlar o‘rtasidagi salbiy holatlarning oldini olish bo‘yicha 2024-yil yakunlari sarhisobi hamda 2025-yilda hamkorlikda ishlash yuzasidan muhokama yig‘ilishi bo‘lib o‘tdi.

Yig‘ilishni tuman hokimi o‘rinbosarlari O. Maxkamov va N.Jo‘raeva tanqidiy ruhda o‘tkazdi.

Tadbirda tumandagi barcha umumta’lim maktablari direktorlari, oila poliklinikalari mudirlari, xotin-qizlar bo‘yicha profilaktika inspektorlari, Milliy gvardiya vakillari, mahallalardagi xotin-qizlar faollari, imom-xatiblar va otinoyilar ishtirok etishdi.

Yig‘ilish bayoni asosida barcha tashkilotlarga hamkorlikda ishlash bo‘yicha vazifalar belgilandi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Fuqarolar murojaatlari hal qilinmoqda

Sergeli tumani "Eski Jaloyir" mahallasida fuqarolarning tadbirkorlik faoliyatini rivojlantirish bo‘yicha sharoitlar o‘rganilib, zarur tushuntirishlar berildi. Shuningdek, murojaatlar tegishli tartibda ko‘rib chiqilib, yechimlar bo‘yicha dalolatnomalar rasmiylashtirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Sayyor_qabul

"Ziyolilar" mahallasida fuqarolar murojaatlari ko‘rib chiqildi

"Ziyolilar" mahallasida hokim o‘rinbosari A.Ganiyev ishtirokida navbatdagi sayyor qabul bo‘lib o‘tdi. Ushbu qabulda mahalla aholisining turli masalalardagi murojaatlari tinglandi. Jumladan, fuqarolar ijtimoiy yordam, infratuzilma muammolari, bandlik masalalari va tadbirkorlikni rivojlantirish yuzasidan o‘z murojaatlarini bildirishdi.

Qabul davomida 10 dan ortiq murojaat ko‘rib chiqilib, ularning aksariyatiga joyida yechim topildi. Ayrim murojaatlar esa qo‘shimcha o‘rganishni talab qilganligi bois, mas’ul rahbarlarga topshiriqlar berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website