Media is too big
VIEW IN TELEGRAM
Xotin-qizlarning tadbirkorlik faoliyatini rivojlantirish: Sergeli tumanida amalga oshirilgan ishlar
2024-yil 7-martdagi O‘zbekiston Respublikasi Prezidentining “Xotin-qizlarning tadbirkorligini yo‘lga qo‘yish va rivojlantirishni qo‘llab-quvvatlashga oid qo‘shimcha chora-tadbirlar to‘g‘risida”gi PQ-122-sonli qaroriga muvofiq, mamlakatda xotin-qizlarning tadbirkorlik tashabbuslarini rag‘batlantirish va rivojlantirishga alohida e’tibor qaratilmoqda. Ushbu qaror ijrosi doirasida Sergeli tumanida bir qator amaliy ishlar amalga oshirildi.
Xususan, «Jo‘nariq» mahallasida tikuvchilik faoliyatini yo‘lga qo‘ygan S. Umrzoqova hamda «Yuqori Darxon» mahallasida qandolatchilik bilan shug‘ullanayotgan M. Sharipovaning tadbirkorlik faoliyati joyida o‘rganilib, ularga zarur ko‘mak va maslahatlar berildi. Ushbu faoliyatlar nafaqat iqtisodiy barqarorlikni ta’minlashga, balki hududda yangi ish o‘rinlari yaratilishiga ham xizmat qilmoqda.
Shuningdek, tumandagi boshqa xotin-qizlarning tadbirkorlikka bo‘lgan qiziqishini oshirish va ularga ko‘mak berish maqsadida turli seminarlar, moliyaviy ko‘mak dasturlari hamda malaka oshirish kurslari tashkil etilmoqda. Bunday sa’y-harakatlar xotin-qizlarning iqtisodiy faolligini oshirish va jamiyatdagi mavqeini mustahkamlashga xizmat qilmoqda.
Please open Telegram to view this post
VIEW IN TELEGRAM
Sergeli tumanidagi maktablarda ta’lim sifati va kitobxonlikni oshirishga qaratilgan tadbirlar o'tkazilmoqda
Bugun Toshkent shahar Sergeli tumanidagi 7-sonli va 351-sonli umumta’lim maktablari hamkorligida ta’lim sifatini oshirish hamda o‘quvchilarning bilim va ma’naviy kamolotini boyitishga qaratilgan tadbir o‘tkazildi.
Tadbir davomida mehmonlar maktab hayoti, o‘quvchilarga yaratilgan shart-sharoitlar va o‘quv jarayonlari bilan yaqindan tanishdilar. Ular maktab ma’muriyati, pedagoglar jamoasi va o‘quvchilar bilan muloqot qilib, kitobxonlik madaniyatini oshirishning ahamiyati haqida fikr almashdilar.
Tashrif chog‘ida “Bilganlarimizning cheki bor, bilmaganlarimizning cheki yo‘q. Bilmagan narsalarimizni o‘qib o‘rganishimiz va o‘zaro tajriba almashishimiz kerak” degan fikrlar ustozlar va o‘quvchilar bilan ochiq muloqotda alohida ta’kidlandi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Sergeli tumanida “Yangi O‘zbekiston – islom tamadduni va ilm-ma’rifat” mavzusida anjuman o‘tkazildi
O‘zbekiston Respublikasi Vazirlar Mahkamasining 2024-yil 28-noyabrdagi “Tamaddun, madaniyat va ma’rifat” mavzusidagi “Ma’rifat karvoni” ilmiy-ma’rifiy va madaniy targ‘ibot tadbirlarini tashkil etish to‘g‘risidagi 196-sonli bayoni ijrosi doirasida, Respublika Ma’naviyat va Ma’rifat markazining Sergeli tumani bo‘limi hamda Toshkent Ijtimoiy Innovatsiya Universiteti hamkorligida yirik ilmiy anjuman tashkil etildi.
“Yangi O‘zbekiston – islom tamadduni va ilm-ma’rifat” mavzusida o‘tkazilgan ushbu tadbirda tumandagi olimlar, professor-o‘qituvchilar hamda Misrdan tashrif buyurgan yetakchi professor-olim Muhammad Mahmud ishtirok etdilar. Anjuman davomida islom tamadduni, ilm-ma’rifatning rivojlanishidagi o‘zbek olimlarining o‘rni va yangi O‘zbekistonning ma’naviy-ma’rifiy yo‘nalishdagi taraqqiyoti keng muhokama qilindi.
Tadbir yakunida faol ishtirok etgan universitet talabalari tashakkurnoma va esdalik sovg‘alar bilan taqdirlanib, ularning ilmiy tadqiqotlarga bo‘lgan qiziqishini oshirishga rag‘batlantirildi. Anjuman mahalliy va xalqaro miqyosdagi ilm-fan rivojiga xizmat qiluvchi muhim qadam sifatida baholandi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
#Kuz_qish
Sergeli tumanida kuz-qish mavsumiga tayyorgarlik muhokama qilindi
Sergeli tumanida hokim Elbek Shukurov boshchiligida kuz-qish mavsumiga tayyorgarlik masalalariga bag‘ishlangan yig‘ilish bo‘lib o‘tdi. Unda Prezident administratsiyasi mas'ul xodimi, tumandagi sektor rahbarlari, tuman hokimligi vakillari, shuningdek, tuman "Suv ta'minoti" MCHJ, "Hududiy elektr tarmoqlari" AJ, "Hududgazta'minot" AJ tuman bo'limi rahbarlari va Boshqaruv servis kompaniyalari ishtirok etdi.
Yig‘ilish davomida kuz-qish mavsumini betalofat o‘tkazish bo‘yicha amalga oshirilayotgan ishlar, mavjud muammolar va ularni bartaraf etish choralariga alohida e’tibor qaratildi. Issiqlik tizimlarini barqaror ishlashini ta’minlash, gaz, suv va elektr ta’minoti uzluksizligini nazorat qilish yuzasidan zarur ko‘rsatmalar berildi.
Uchrashuv yakunida aholiga qulay va xavfsiz sharoit yaratish maqsadida barcha xizmatlar o‘rtasida muvofiqlashtirilgan hamkorlikni kuchaytirish bo‘yicha topshiriqlar berildi.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM