🇺🇿#Xabarlar

Sergelida “Yoshlarni oilaviy hayotga tayyorlash” bo‘yicha navbatdagi mashg‘ulotlar o‘tkazildi

✨Sergeli tumani Oila va xotin-qizlar bo‘limi FHDYO boʻlimi bilan hamkorlikda “Yoshlarni oilaviy hayotga tayyorlash” markaziga biriktirilgan mas’ul o‘qituvchilar bilan birgalikda navbatdagi yosh oila quruvchilar o‘qitildi.
Ushbu mashg‘ulotlarda psixolog-M.Raxmatullaeva, tibbiyot birlashmasi bosh ginekologi P.Koshkarova, tuman bosh otinoysi M.Muxamedova, Respublika Ma’naviyat va ma’rifat markazi Sergeli tumani bo‘linmasi rahbari G.Xudaybergenova, Toshkent shahar adliya boshqarmasi Sergeli tumani FHDYo bo‘limi ish yurituvchisi G.Meliqulova tomonidan yoshlarga tibbiy, huquqiy, psixologik, ma’naviy va ma’rifiy hamda diniy masalalarda dars o‘tishdi.

O‘quv mashg‘ulotlari davomida yosh nikohlanuvchi shaxslarga baxtli va mustahkam oila barpo etish borasida reproduktiv salomatlik, ona va bolalikni muhofaza qilish, kitob o‘qish afzalliklari, o'zaro hamda oila a’zolari o‘rtasidagi muomala va to‘g‘ri munosabat, ibratli ota-ona bo‘lishga tayyorgarlik mavzularida tushuntirish ishlari olib borildi.
O‘quv mashg‘ulotlarini muvaffaqiyat bilan tamomlagan oila qurish ostonasida turgan 28 juft yoshlarga maxsus sertifikatlar topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar
#Kuz_qish

Toshkentda qish mavsumiga tayyorgarlik: amaliy seminar va belgilangan vazifalar

Ayni kunlarda yurtimizning barcha hududlarida kuz-qish mavsumiga tayyorgarlik ishlari ketmoqda. Kommunal tarmoqlar qayta ko‘rib chiqilib, tashkilotlardagi qozonxonalar modernizatsiya qilinmoqda.

Iqtisodiyot tarmoqlari, ijtimoiy soha ob’ektlari va aholi turar joylarini qish mavsumida barqaror ishlashini ta’minlash, favqulodda holatlarning oldini olish maqsadida bugun Yashnobod tumanidagi “Sharqiy aeroport” hududida Toshkent shahridagi barcha tumanlar mutasaddi rahbarlari ishtirokida ko‘rgazmali seminar o‘tkazildi.

Mazkur seminarda Sergeli tumani hokimi o'rinbosari Akmal Jumaboyev, sektor rahbarlari, tumanda faoliyat yurituvchi kommunal xizmatlar o‘z texnikalari bilan ishtirok etdilar.

Seminar davomida Toshkent shahar hokimi Sh.Umurzakov tomonidan uy-joy fondi, kommunal xizmat ko‘rsatish va ijtimoiy soha ob’ektlarini qish mavsumida barqaror ishlashni ta’minlashga qaratilgan chora-tadbirlarni amalga oshirish, hududlarning sanitariya-tozalik holatini yaxshilash borasida olib borilayotgan ishlar ko‘lamini yanada jadallashtirish haqida vazifalar yuklatildi.

Har bir tashkilotlarga o‘z zimmalariga yuklatilgan vazifalar alohida ta’kidlab o‘tildi va amalga oshirilishi kerak chora-tadbirlar eslatildi. Belgilangan ishlarning sifatli bajarilishiga, bevosita ijrochilarning va tegishli korxona va tashkilot rahbarlarining ma’suliyatini oshirishga katta ahamiyat berish lozimligi ta’kidlandi.

Mutasaddilarga qishga tayyorgarlik ishlarini sifatli bajarib, energiya va issiqlik ta’minoti barqaror qilish, energiya tejamkorlik madaniyatini oshirish bo‘yicha ko‘rsatmalar berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website