🇺🇿#Xabarlar

“Biz zoʻravonlikka qarshimiz!”

➡️25-noyabr "Xalqaro ayollarga nisbatan zoʻravonlikka qarshi kurashish kuni” munosabati bilan Sergeli tumanida tadbir bo'lib o'tdi.

“Zoʻravonlikka qarshi 16 kunlik faol harakat” tadbiri doirasida Sergeli tumani IIO FMB boshligʻi podpolkovnik E.Ergashev tashabbusi bilan “Biz zoʻravonlikka qarshimiz!” shiori ostida madaniy-maʼrifiy tadbir tashkil etildi.
Tadbirda tumandagi ilgari sudlangan, probatsiya va profilaktik hisobda turgan, tazyiq va zoʻravonlikka uchragan, migratsiyadan qaytib kelgan, odam savdosidan jabrlangan, davlat va jamoatchilik himoyasiga muhtoj ogʻir ijtimoiy ahvoldagi, nizoli va olib borilgan profilatik tadbirlar natijasida hozirda yarashib ketgan 50 nafar xotin-qizlar taklif etildi.
Yurtimizda qabul qilinayotgan normativ-huquqiy hujjatlarda ayollarga hurmatda boʻlish, ularning oila va jamiyatdagi oʻrnini oshirish, ularga nisbatan sodir etilishi mumkin boʻlgan turli koʻrinishdagi tazyiqlarning oldini olish mexanizmlarining huquqiy asoslari toʻliq shakllantirilayotgani tadbir ishtirokchilari tomonidan alohida taʼkidlab oʻtilib, davlat va jamoatchilik himoyasiga muhtoj boʻlgan xotin-qizlarga qimmatbaho esdalik sovgʻalar berildi.

Mazkur oʻtkazilgan tadbir doirasida zoʻravonlikka qarshi kurashish borasida samarali mehnat qilayotgan, shuningdek ajrim yoqasidagi oilalarni yarashtirish borasida eng yuqori koʻrsatkichlarga ega boʻlgan xotin-qizlar masalalari boʻyicha katta inspektorlar, mahalla xotin qizlar faollariga Sergeli tumani IIOFMB boshligʻi podpolkovnik E.Ergashev tomonidan tashakkurnoma eʼlon qilindi.
Shuningdek, tadbir doirasida Oʻzbekistonda ayollarga nisbatan zoʻravonlikning oldini olish, zoʻravonlik qurbonlarini reabilitatsiya qilish boʻyicha qilinayotgan ishlarga bagʻishlangan rolik namoyish etildi.

Tadbir yakunida Oʻzbekiston Respublikasi IIV ashula va raqs ansambli xonandalari tomonidan tayyorlangan konsert dasturi namoyish etildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar
#Yoshlar

Sergeli tumanida “Bolalar harakati” sardorlar saylovi bo'lib o'tdi

Sergeli tumani hokimligi, Yoshlar ishlari bo‘limi hamda Maktabgacha va maktab ta'limi bo‘limi, tuman Ma'naviyat va ma'rifat bo'limi hamkorligida o‘tkazilgan tanlovda 175 nafar o'quvchi-yoshlar hamda maktab sardorlari ishtirok etdi.

Saylov jarayonlarida eng qobiliyatli faol va tashabbuskor, lider o‘quvchi-yoshlar orasidan 7 nafari “Bolalar harakati” tuman sardorligiga saylandi.
Tuman sardorlari shahar bosqichiga yo'llanmani qo'lga kiritdi.

Tuman sardorlari faoliyatiga omad tilaymiz!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website