Shahrimiz tumanlarida “Obod mahalla”, “Obod ko‘cha”, “Obod xonadon” dasturlari doirasida tizimli ishlar amalga oshirilmoqda.

Xususan, mahallalarda markaziy va ichki ko‘chalarni tartibga keltirish, ko‘p qavatli uylarga tutash hududlarni tozalash va obodonlashtirish, eskirib, hayot va salomatlik uchun xavfli darajaga yetib kelgan bolalar maydonchalarini yangilash, ijtimoiy obyektlarning holati va kuz-qish mavsumiga tayyorgarlik darajasini tekshirish ishlari bajarilmoqda.

Toshkent shahar hokimligi va boshqa tegishli tashkilotlar mutasaddilaridan iborat ishchi guruh har kuni hududlarga chiqib, ishlarni ko‘zdan kechirmoqda. Tumanlar mutasaddilari tomonidan ishga loqaydlik va sovuqqonlik bilan yondashish oqibatida kuzatilayotgan kamchiliklar yuzasidan esa tegishli topshiriq va ko‘rsatmalar berib, nazoratni kuchaytirmoqda.

Bunday tashriflardan biri kuni kecha Sergeli tumanining "Madadkor" mahallasida bo'lib o'tdi. U yerda to‘planib qolgan va olib ketilmagan chiqindilar, fuqarolar tomonidan o‘zboshimchalik bilan qurib olingan qurilmalar, aholiga noqulaylik tug‘dirishi mumkin bo‘lgan boshqa omillar aniqlandi. Ushbu kamchiliklarni tez sur’atlarda bartaraf etishni ta’minlash yuzasidan mas’ullarga topshiriq berildi. Ijrosi esa qat’iy nazoratga olindi.

Shahrimiz mahallalarini o‘rganish ishlari davom etmoqda.

YouTube | Facebook | Instagram | Web-site | Twitter | Linkedin