🇺🇿 #Xabarlar

✅O'tayotgan haftani ancha samarali va ezgu amallarga to'la deyish mumkin. Sababi hafta davomida tuman hokimligi, tegishli vazirliklar, tuman bank filiallari va hamkor tashkilotlar tomonidan aholiga moddiy ko'maklar ko'rsatildi.

🖋Xususan, "Temir daftar" dagi 15 ta oilaga 45 million so'm moddiy yordam, fuqaro S.Taubayeva farzandining operatsiya xarajatlari uchun "Saxovat va ko'mak" jamg‘armasidan 60 million so'm pul mablag‘i, fuqaro A.Norpulatovaga 28 million so'm imtiyozli kredit ajratilib, asbob-uskunalar olib berildi. Bundan tashqari, bolalikdan nogiron bo'lgan fuqaro A.Dautovga, yolg‘iz fuqaro M.Shirshovga elektron nogironlik aravachalari, L.Bespalovaga esa tirsakli qo'ltiqtayoq va nogironlik aravachasi taqdim etildi. Shuningdek, uyida bemor yotgan bir necha fuqarolar uchun sayyor tibbiy ko'rik tashkil etilib, dori-darmonlar ulashildi.

🖊Uyida yolg‘iz qariyalar, boquvchisini yo'qotgan oila vakillariga homiylar va hamkorlar tomonidan birlamchi yegulik mahsulotlari ham taqdim etilmoqda.

Kelgusi haftada ham bu kabi ezgu ishlarimiz davom etadi. Bizni kuzatishda davom eting.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿 #Xabarlar #Yiğilish

🇺🇿Davlat rahbarining joriy yil 11-apreldagi selektor yig'ilishida berilgan topshiriqlar ijrosini ta'minlash bo'yicha tuman hokimligi binosida yig'ilish bo'lib o'tdi.

✅Yig'ilishda O'zbekiston Respublikasi bosh prokurori o'rinbosari Sh.Aminov, tuman hokimi E.Shukurov, shuningdek, administratsiya mas'ul xodimlari, oliy ta'lim rektorlari hamda shahar va tuman tashkilot rahbarlari ishtirok etishdi.

💠Ma'lumotlarga ko'ra, tumandagi 778 nafar "qizil" toifadagi yoshlar bo'lib, ularning 203 tasi shahar boshqarma va oliy ta'lim rektorlariga hamda 575 tasi tuman tashkilot rahbarlariga biriktirilgan, shulardan 71 tasi vazirlik idoralariga to'g'ri keladi. Bugungi yig'ilishda vazirlik va idoralar, shahar boshqarma boshliqlari va oliy ta'lim muassasalari rektorlariga yoshlar bilan tizimli ishlash va muammolarni hal etish, bu boradagi ishlarni yanada jadallashtirish bo'yicha tegishli ko'rsatma va topshiriqlar berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube

🇺🇿#Xabarlar

✅Tuman bo'ylab hududlarda o'rganish ishlari davom etmoqda

🤔Ertalabki o'tkazilgan Respublika ishchi guruhi yig'ilishidan so'ng, tuman hokimi, administratsiya vakili hamda boshqa tegishli mutasaddilar ishtirokida tumandagi mahalla hududlari o'rganilmoqda.

📍Xususan, "Mehrigiyo" MFY hududidagi ko'p qavatli uylar va ularning yerto'la qismlari, "Sultonobod" mahalla hududidagi 557-sonli tibbiyot tayanch punkti, shuningdek, yo'llarning asflatlanish holatlari ko'zdan kechirildi.

O'rganish chog'ida mahalla vakillari va aholi bilan bevosita muloqot qilinib, topshiriqlar ijrosi va berilgan takliflar muhokama etildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website🕊Twitter 📺You Tube