14-Toshkent shahar okrug komissiyasining yig‘ilishi bo‘lib o‘tdi

Bugun O‘zbekiston Respublikasi Referendumini o‘tkazuvchi 14-Toshkent shahar okrug komissiyasining yig‘ilishi bo‘lib o'tdi. Yig‘ilishni okrug raisi Abdulla Magrupov olib bordi.

Dastlab okrug komissiyasi a’zolariga Markaziy saylov komissiyasi tomonidan taqdim etilgan a’zolik guvohnomalari topshirildi.

Shundan so‘ng yig‘ilish kun tartibidagi asosiy masala O‘zbekiston Respublikasi Referendumini o‘tkazuvchi 14-Toshkent shahar okrugi hududi bo‘yicha referendum uchastkalarining joylashuvi yuzasidan 12 ta tuman hokimlarining taqdimnomalari ma’lumot uchun qabul qilindi.

Muhokamalardan so‘ng okrug a’zolari tomonidan Toshkent shahar referendum okrugi hududida 823 ta referendum uchastkalari tuzilganligi haqida qaror qabul qilindi.

Yig'ilish yakunida okrug komissiyasi raisi referendum kampaniyasi davomida amalga oshiriladigan ishlar va rejalar xususida batafsil to‘xtalib, okrug a’zolariga vazifalar taqsimoti belgilandi.

🌐 @toshkent_okrug