#matbuot_anjumani

Bizning faoliyatimiz har bir xonadonda har kuni muhokama boʻladi

Ayni vaqtda poytaxtimizdagi 298-sonli umumiy oʻrta taʼlim maktabida “Maktabgacha va maktab taʼlimi vazirligi tomonidan amalga oshirilgan ishlar va tizimdagi muhim islohotlar” mavzusiga bagʻishlangan matbuot anjumani boʻlib oʻtmoqda.

Unda Maktabgacha va maktab taʼlimi vaziri Hilola Umarova, vazir oʻrinbosarlari hamda vazirlik masʼul xodimlari ishtirok etyapti.

Matbuot anjumanini ochib bergan Hilola Umarova jurnalist va blogerlarni yangi oʻquv yili bilan tabrikladi:

“Bizning tizim juda katta – maktablarimizda 6 yarim milliondan ortiq oʻquvchi, maktabgacha taʼlim tashkilotlarimizda 2 milliondan ortiq bogʻcha bolasi, texnik xodimlarni qoʻshib hisoblaganda bir millionga yaqin pedagog jamoamiz bor. Oʻquvchilar va bogʻcha bolalarimizning ota-onalari bilan ham bevosita ishlaymiz. Bu degani, bizning kundalik faoliyatimiz deyarli har bir xonadonda har kuni muhokama boʻladi. Aytmoqchi boʻlganim, vazirlik tizimi faoliyati hammaning yaqqol koʻz oʻngida turadi. Mazkur jihat bizni yanada masʼuliyat bilan ishlashga undaydi, albatta”, – deya oʻz fikrini bildirdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#matbuot_anjumani

🤩 Prezident maktablari bitiruvchilarining 80 foizi SAT sertifikatiga ega bo‘lishdi

📍AOKAda Ixtisoslashtirilgan ta’lim muassasalari agentligi rahbariyati ishtirokida bo‘lib o‘tgan matbuot anjumanida 2024-yil davomida amalga oshirilgan ishlar va erishilgan natijalar yuzasidan ma’lumot berildi:

➖O‘tgan 2024-yilda Agentlik tizimida Ko‘kdala, Pop va Oqdaryo tumanlari ixtisoslashtirilgan maktablari tashkil etilib, natijada iqtidorli bolalar uchun qo‘shimcha 504 ta yangi o‘quvchi o‘rin, 162 ta yangi ish o‘rni yaratildi.

➖Muhammad al-Xorazmiy nomidagi ixtisoslashtirilgan maktabning 3 ta – Andijon, Samarqand, Nukus shahar filiali tashkil etildi.

➖Agentlik tizimidagi o‘quvchi va talabalar soni 73 500 nafarga yetdi, maktablardagi 8 473 nafar o‘qituvchilarning 54 foizini oliy va birinchi toifalilar tashkil etadi.

➖Agentlik maktablari kirish imtihonlarida 215 211 nafar o‘quvchi ishtirok etdi. Prezident maktablariga hujjat topshirgan o‘quvchilar soni bir o‘ringa nisbatan 185 tani tashkil etdi.

➖14 ta Prezident maktablarida Kembrij xalqaro ta’lim tashkilotining yangi tahrirdagi STEM fanlari ta’lim dasturlari amaliyotga joriy etildi.

➖9 ta ijod maktabida “San’at” fanini o‘qitish, 185 ta ixtisoslashtirilgan maktablarda shaxmat darslari, “Yosh akademiklar” klubi, akademiklar tomonidan mahorat darslari o‘tilishi yo‘lga qo‘yildi.

✔️Batafsil

Telegram | Facebook | Instagram | YouTube

#Qabul_2025
#Matbuot_anjumani

✅ Bugun Ixtisoslashtirilgan ta'lim muassasalari agentligi tizimidagi maktablarga qabul jarayonlariga bag‘ishlangan matbuot anjumani bo‘lib o‘tdi.

Anjuman doirasida mas'ullar tomonidan joriy yilgi qabul va imtihon jarayonlari haqida so‘z yuritildi hamda barcha savollarga batafsil javob berildi.

_____

📆 Agentlik tizimidagi maktablarga hujjatlar qabuli joriy yilning 1-20-IYUN kunlari bo‘lib o‘tadi.

📥 Hujjatlar qabuli onlayn shaklda my.gov.uz yagona interaktiv davlat xizmatlari portali yoki Agentlikning ariza.piima.uz rasmiy veb-sayti hamda mobil ilova orqali qabul qilinadi.

📊 2025-2026-o‘quv yili uchun:

➖Prezident maktablariga 336 nafar,
➖ijod maktablariga 440 nafar,
➖Bahodir Jalolov nomidagi boksga ixtisoslashtirilgan sport maktabiga 24 nafar,
➖Oksana Chusovitina nomidagi gimnastikaga ixtisoslashtirilgan sport maktabiga 24 nafar,
➖ixtisoslashtirilgan maktablarga esa 8 200 nafar o‘quvchi qabul qilinadi.

📞Qabul jarayonlariga oid savollarga javob berib borish maqsadida Murojaatlar markazi faoliyati yo‘lga qo‘yildi. Markazga har kuni soat 09:00 dan 18:00 gacha 1206 qisqa raqam orqali bog‘lanish mumkin.

🌐 Bundan tashqari, onlayn hujjat topshirishga ko‘maklashish hamda o‘quvchilar qabuli yuzasidan murojaatlarga javob berish bo‘yicha (hududiy) shtablar ham tashkil etildi.

🗣Batafsil

Telegram | Facebook | Instagram | YouTube