1-августтен баслап нелер өзгереди?
1. Алкоголь менен усақлап сатыўға рухсат бериўши гүўалықлар шекленбеген мүддетке бериледи
2. Алкоголь өнимлери менен усақлап саўда етиў, сондай-ақ улыўма аўқатланыў кәрханалары тәрепинен алкоголь өнимлерин сатыў ҳуқықына рухсат бериўши гүўалықлар шекленбеген мүддетке бериледи.
Ислеп шығарыўшылар тәрепинен туристлик бағдарларда шөлкемлестирилген дегустация аймақларында реализация етилген тәбийий вино (орамланғаннан тысқары) өнимлерине ноль дәрежели ставка бойынша акциз салығы салынады.
Сондай-ақ, ислеп шығарыўшылар тутыныў спиртиниң 50 пайыз ҳақын алдыннан төлеў шәртлеринде реализация етиў ҳуқықына ийе болады.
2. Мәжбүрий орынлаў бюросының бир қатар ўәкилликлери тийисли шөлкемлерге өткериледи:
- электр энергиясы ҳәм тәбийий газ тутыныўын қадағалаў ҳәм есапқа алыўдың заманагөй автоматластырылған системалары, сондай-ақ альтернатив энергия дереклерин енгизилиўин шөлкемлестириў ҳәм усы процесслер үстинен мониторинг өткериўге байланыслы ӯазыйпа ҳәм ӯәкилликлер – Энергетика министрлигине;
- электр энергиясы ҳәм тәбийий газ ушын төлемлерди өз ўақтында ҳәм толық өндирилиўин тәмийинлеў, тутыныўшылардың қарыздарлығын кемейтириў, сондай-ақ электр энергиясы ҳәм тәбийий газ сатыўы ҳәм тутыныўын есапқа алыў бойынша ўазыйпа ҳәм ўәкилликлери - “Аймақлық электр тармақлары” АЖ ҳәм “Аймақлықгазтәмийнаты” АЖниң аймақлық шөлкемлерине;
- электр ҳәм газ бөлистириў тармақларына нызамсыз жалғаныў, талан-тараж жағдайларын анықлаў, сапластырыў ҳәм алдын алыўға байланыслы ўәкилликлер – “Аймақлық электр тармақлары” АЖ ҳәм “Аймақлықгазтәмийнаты” АЖниң аймақлық шөлкемлерине ҳәмде тийисли ҳуқық қорғаў органларына;
- электр энергиясы ҳәм тәбийий газди абайлаў ҳәм олардан пайдаланыў бойынша тутыныўшылардың ҳуқықый мәдениятын ҳәм жуўапкершилигин асырыўға байланыслы ўазыйпа ҳәм ўәкилликлери – Энергетика министрлиги, “Аймақлық электр тармақлары” АЖ ҳәм “Аймақлықгазтәмийнаты” АЖине;
- энергия ресурслары ушын есап-китап етилиўин тәмийинлеў системасын комплекс анализлеў, системалы машқалаларды анықлаў, жетилистириў бойынша усынысларислеп шығыўға байланыслы ўазыйпалар – Энергетика министрлигине.
3. “Әндижан”, “Бухара” ҳәм “Үргениш” халықаралық аэропортларында халықаралық ҳуқық нормаларына муўапық “Ашық аспан” режими енгизиледи
4. Тартысларды судқа шекем шешиў бойынша аппеляция кеңеслери шөлкемлестириледи.
Эксперимент сыпатында Мәмлекетлик бажыхана комитети, Давергеодезкадастр, бюджеттен тысқары Пенсия қоры ҳәмде Наманган, Бухара ҳәм Ташкент ўәлаятлары ҳәкимликлери жанында Физикалық ҳәм юридикалық шахслар ҳәмде мәмлекетлик органлар ортасында Тартысларды судқа шекем шешиў бойынша аппеляция кеңеслери шөлкемлестириледи.
Физикалық ҳәм юридикалық шахслар мәмлекетлик органлар ямаса лаўазымлы шахслардың нызамсыз ҳәрекетлери (қарарлары) ямаса ҳәрекетсизлигиниң нәтийжесинде өз ҳуқықлары ҳәм еркинликлери ҳәмде нызам менен қорғалатуғын мәплери бузылғанлығы ҳаққындағы мүрәжатлары аппеляция кеңеси тәрепинен көрип  шығылады.
5. Айырым транспорт қуралларына утилизация жыйымы енгизиледи
Транспорт қуралының түри, тайпасы, ислеп шығарыў мүддетинен келип шығып, базалық есаплаў муғдарының 30 есесинен 1500 есесине шекем утилизация жыйымы өндириледи.
6. Темир жол транспорты шөлкемлери өзлериниң мәлимлеме системаларына интеграциялаў арқалы бажыхана қадағалаўы астындағы вагон ҳәм контейнерлердиң мәмлекет ишиндеги ҳәрекетлери ҳаққындағы мағлыўматлары бажыхана органларына реал ўақыт режиминде бийғәрез түрде усынады.
7. Айырым транспорт қуралларын алып кириў ушын акциз салығы ставкалары бийкар етиледи
8701 (тракторлар), 8702 (10 ямаса оннан артық адамды тасыўға мөлшерленген моторлы транспорт қураллары), 8703 (жеңил автомобиллер) ҳәм 8704 (жүк тасыӯға мөлшерленген моторлы транспорт қураллары) ТИФ ТН кодлар бойынша транспорт қуралларын алып кириўде әмелде болған акциз салығы ставкалары бийкар етиледи.
8. Сенатта Өзбекстанның сырт ел мәмлекетлериндеги елшилери есабатын еситиў системасы жолға қойылады.
9. Мәмлекетлик тилде маркировкаланбаған товарға муўапықлық сертификаты берилмейди
Министрлер Кабинети тәрепинен тастыйықланған дизим бойынша импорт етилетуғын

тутыныў товарларының айырым түрлери ислеп шығарыўшы тәрепинен Өзбекстанның мәмлекетлик тилинде  (латын жазыўына тийкарланған өзбек әлипбесинде) маркировка етилмеген жағдайда, усы товарларға муўапықлық сертификатын рәсмийлестириў қадаған етиледи (нызам ҳүжжетлериндеги шеклеўлерден тысқары).
10. Нөкис қаласы ҳәм ўәлаят орайларында улыўма пайдаланылатуғын транспортта жолаўшы тасыў ушын жол ҳақын төлеў автоматластырылған система арқалы әмелге асырылады.
11. Айырым театр ҳәм музей-қорықханалар билетлерин сатыў БОЯТО арқалы әмелге  асырылады.
12. Өзбекстан Республикасының “Көп квартиралы үйлерди басқарыў ҳаққында“ғы Нызамы күшке киреди.

Дерек:@huqiqiymalimleme

Соңғы мәнзил, соңғы жол...
Келтерди ғой сизсиз қол...

Жайыңыз жәннет болсын! "Jaslar TV" телеканалы видеоролиги атамыздың естелигине бағышланады.