Qishloq xo‘jaligida innovatsion kashfiyotlarga hissa qo‘shayotgan samarador tanlov

🟢Xabar berganimizdek, bugun Toshkent davlat agrar universitetida vazirlik tizimidagi 10 ta oliy ta’lim muassasalarining talaba yoshlari o‘rtasida “Yoshlar va innovatsion qishloq xo‘jaligi” ko‘rik-tanlovining final bosqichi bo‘lib o‘tdi.

🟢Unda Oliy Majlis Senati a’zolari, Yevropa Ittifoqining O‘zbekistondagi elchisi Sharlotta Adrian, Qishloq xo‘jaligi vazirligi va Yoshlar ishlari agentligi, "Agrar soha ayollari" uyushmasi mas’ullari, vazirlik tizimidagi oliy ta’lim muassasalarining professor o‘qituvchilari va talabalari ishtirok etdi.

🗣Tadbirni Qishloq xo‘jaligi vaziri Ibrohim Abdurahmonov ochib berar ekan, “Yoshlar va innovatsion qishloq xo‘jaligi” ko‘rik-tanlovi mamlakatimizda amalga oshirilayotgan yoshlarga oid keng ko‘lamli islohotlarning amaliy natijalaridan biri ekanini qayd etdi.

➡️Tanlov 3 bosqichdan iborat bo‘lib, 10 ta oliy ta’lim muassasalaridan jami 4099 nafar talaba-yoshlar ishtirok etdi. Shundan 1851 nafari xotin-qizlar.

✅Tanlovda jamoa a’zolari bir necha yo‘nalishda resurs tejamkor texnologiyalardan “nou-xau” usulida foydalanish, “yashil iqtisodiyotga o‘tish” borasida o‘z “biznes-reja”, “start-up” loyihalarini namoyish qilishdi.

G‘olib deb topilgan jamoalar quyidagi tartibda taqdirlandi:

🥇1-o‘rin –Samarqand davlat veterinariya meditsinasi, chorvachilik va biotexnologiyalar universiteti Nukus filiali jamoasi I darajali diplom va Yevropaning ilg‘or tajribasini o‘rganish uchun o‘quv safari uchun yo‘llanma sertifikati;

🥈2-o‘rin – Toshkent davlat agrar universiteti jamoasi II darajali diplom va noutbuk (jamoaning har bir a’zosiga);

🥉3-o‘rin – Andijon qishloq xo‘jaligi va agrotexnologiyalar instituti jamoasi III darajali diplom va planshet (jamoaning har bir a’zosiga).

🎗Qolaversa, faol ishtiroki va o‘zlarining mahoratlarini yaxshi namoyon etgan jamoalar “Eng quvnoq jamoa”, “Eng ahil jamoa”, “Kreativ fikrlaydigan jamoa”, “Istiqbolli jamoa”, “Sohaning faol bilimdonlari”, “Eng faol innovatorlari”, “Eng tashabbuskor talabalari” nominatsiyalar bo‘yicha taqdirlanishdi.

🌐Website 💬Telegram 💬Facebook 📺YouTube 📷Instagram