💻 Жаслардын ең жақсы стартап жойбарлары ушын 1 миллион АҚШ доллары бериледи

🔰 Өзбекстан Республикасы Министрлер Кабинетиниң қарары (66-сан, 15.02.2023-ж.) менен Президент сыйлығы ушын «Санлы технологиялар жөнелисинде стартап» (President Tech Award) таңлаўын өткериў тәртиби ҳаққындағы реже тастыйықланды

Режеге бола, таңлаў 2023-жыл май айынан ҳәр жылы 5 тийкарғы ҳәмде 1 арнаўлы жөнелис бойынша өткериледи:
➖жасалма интеллект технологиялары;
➖социаллық жөнелисте санлы технологиялар;
➖мәлимлеме ҳәм киберқәўипсизлик технологиялары;
➖исбилерменлик ҳәм қаржылық технологиялар;
➖компьютер ҳәм мобил ойын бағдарламалары.

Таңлаўдың тийкарғы жөнелислеринде 30 жасқа толмаған Өзбекстан пуқаралары бир команда қурамында (3–8 адам) қатнасады.

Арнаўлы жөнелисте Программалық өнимлер ҳәм мәлимлеме технологиялары технологиялық парки резиденти болған шөлкемлерде жумыс ислеп атырған шет ел пуқаралары ҳәм пуқаралығы болмаған шахслар да (3-5 адам) қатнасыўы мүмкин.

✅Таңлаў жеңимпазлары төмендеги тәртипте анықланады:

Тийкарғы жөнелислер бойынша – жәмийетшилик тәрепинен арнаўлы порталда даўыс бериў арқалы;
Арнаўлы жөнелис бойынша – мәлимлеме-коммуникация технологиялары тараўында хызметлер көрсетиўши шөлкемлер тәрепинен.

🏆Таңлаў жеңимпазлары төмендегише сыйлықланады:

Таңлаўдың 5 тийкарғы жөнелислери бойынша төмендеги пул сыйлығы берилиўи режелестирилген:

1️⃣-орын ушын — 100 000 АҚШ доллары;
2️⃣- орын ушын — 50 000 АҚШ доллары;
3️⃣- орын ушын — 30 000 АҚШ доллары;

Таңлаўдың арнаўлы жөнелиси бойынша (бир) — 100 000 АҚШ доллары.

❗️Таңлаўда қатнасыў ушын пул өндирилмейди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter