Президент “тонировка” масаласига тўхталди.

“Ҳар бир ислоҳотимиз, таклиф ва ташаббусларимиз, бу – энг аввало инсон қадри учун.

Шу боис, халқимизга қандай енгилликлар берсак, у биздан рози бўлади, деган савол барча раҳбарларни ҳар куни, ҳар дақиқа ўйлантириши керак.

Ҳар гал жойларга чиққанимда оддий-оддий одамлар билан учрашиб, муаммоларини эшитаман, яна қанча аҳолимизда шундай муаммолар борлиги ҳақида ўйлайман ва унга ечим қидираман.

Оммавий ахборот воситалари, ижтимоий тармоқларда кўтарилаётган масалалардан ҳам хабардорман.

Мана, бугунги кунда мамлакатимизда енгил автомашиналар сони 3,5 миллиондан ошди. Ҳайдовчиларимизда ҳам кўплаб эътирозлар тўпланиб қолган.

Шу боис, бугун ҳайдовчилар ва йўловчилар анчадан бери кутган, уларнинг кайфиятини кўтарадиган қарорни имзоладим”, деди Президент.

Президент таъкидлаганидек, 1 июлдан бошлаб:

- автомобилнинг орқа ён ойналарини қорайтириш тўловлари бекор қилинади, яъни бепул бўлади;

- олд ва орқа ён ойналарни тўлиқ қорайтириш тўловлари 6 баробаргача арзонлаштирилади;

- ишлаб чиқарилганига 10 йилдан кўп бўлмаган енгил машиналарни мажбурий техник кўрикдан ўтказиш тартиби бекор бўлади.

Энди, 10 йилдан 15 йилгача бўлган енгил машиналар – икки йилда, 15 йилдан ортиқ бўлганлари эса бир йилда бир марта техник кўрикдан ўтказилади.

"Бу ҳали бошланиши. Мен Президент маслаҳатчилари, Бош вазир ўринбосарлари ва вазирларга топшириқ берганман.

Одамларимизни қийнаётган, аҳамиятини йўқотган тартиб ва чекловларни бекор қилиш бўйича Ишчи гуруҳи барча йўналишларда мунтазам ишлаяпти.

Жойлардан тушган асосланган таклифлар ва ечимлар бўйича доимий тарзда халқимизнинг фойдасига хизмат қиладиган қарорлар қабул қилиб борилади”, деди Президент йиғилиш якунида.

​​Самарқандда “Уч авлод учрашуви” бўлиб ўтди
Мамлакатимизда Президентимиз раҳнамолигида тинчликни мустаҳкамлаш, халқимиз фаровонлигини юксалтириш, кексаларни эъзозлаш, эртамиз эгаларини баркамол авлод қилиб вояга етказишга давлат сиёсатининг устувор йўналишлари сифатида алоҳида эътибор қаратилаяпти. Бинобарин, буюк аждодларга муносиб бўлиш, юртимиз тараққиётига даҳлдорлик ҳисси билан яшаш ҳар биримизнинг, айниқса, ёшларнинг муқаддас бурчидир.
Шу мақсадда Самарқанд вилояти божхона бошқармаси ҳамда Ўзбекистон божхона хизмати Фахрийлар уюшмаси билан ҳамкорлигида тизимда кўп йиллар меҳнат қилган божхона фахрийлари, вилоят фаоллари ва мактаб ўқувчилари иштирокида кексаларни эъзозлаш, ўтганларни хотирлаш, ёш авлодни ватанпарварлик руҳида тарбиялаш мақсадида “Уч авлод учрашуви” ташкил этилди.
Унда тизимда кўп йиллар меҳнат қилган божхона фахрийлари, вилоят фаоллари, марҳум божхона ходимларининг оила аъзолари, ёш божхоначилар ҳамда вилоят божхона бошқармасига бириктирилган Самарқанд шаҳридаги 33-сонли умумтаълим мактаб ўқувчилари иштирок этишди.
Тадбирнинг очилиш қисми вилоят Ёшлар агентлиги маркази биносининг фаоллар залида бошланди. Унда Ўзбекистон божхона хизмати Фахрийлар уюшмаси бошқарув раиси Д.Қудриддинов, вилоят божхона фахрийлари уюшмаси раиси Ф.Мукумов ҳамда ёш ходим ва мактаб ўқувчилари сўзга чиқишди.
Шундан сўнг “Самарқанд” ташқи иқтисодий фаолият ҳамда “Самарқанд аэропорти” чегара божхона постларига ташриф буюрган фахрийлар бугунги кунда божхона тизими тубдан ислоҳ этилаётганлиги, ходимларга хизмат олиб боришлари учун барча шароитлар яратилиб, хизмат жойлари аввалгидек вагонларда эмас, шинам хоналарда ташкил этилганлигидан хурсанд эканликларини, бу ўзгаришлардан ёш ходимлар тўғри хулоса чиқариб, ўзларига юклатилган хизмат вазифаларини чин юракдан, ҳалол-пок ва содиқлик билан бажаришлари лозимлигини таъкидлаб ўтишди.

Самарқанд вилояти бошқармаси ахборот хизмати