⚡️Bulung‘ur tumanida 4 ta maktab, 1 ta davlat maktabgacha ta’lim tashkiloti uchun qo‘shimcha binolar qurildi

Xususan, bugun tumandagi 12-, 22-, 59-, 62-maktablar hamda 1-sonli davlat maktabgacha ta’lim tashkilotining yangidan qurilgan qo‘shimcha binolari tantanali ravishda foydalanishga topshirildi.

Ochilish tadbirlarida tuman hokimi S.Astonov, sektor rahbari, nuroniylar va yoshlar, muassasalarning pedagogik jamoasi, ota-onalar ishtirok etishdi.

Tadbirlar davomida so‘zga chiqqanlar bugun yurtimizda kelajak avlodning har tomonlama barkamol bo‘lib voyaga yetishlari, sifatli ta’lim olishlari yo‘lida yaratilayotgan qulay shart-sharoitlarga to‘xtalib o‘tishdi.

Ishlarni sifatli bajargan quruvchilarga minnaddorchilik bildirilib, to‘n kiygizildi. Bu kabi qulayliklar yaratilishiga sabab bo‘lib turgan yurtimizdagi tinchlikka ko‘z tegmasligi so‘ralib duoga qo‘l ochildi.

@SamTvr

"O‘zbekiston ilmiy sinov va sifat nazorati markazi" davlat muassasasi sinov laboratoriyasi xalqaro akkreditatsiya belgisiga ega bo‘ldi. Endilikda mazkur laboratoriya xulosasi Xalqaro darajada tan olinadi.

Mazkur laboratoriyada mahsulot tarkibidagi nitrat, og‘ir metall va oltingugurt qoldig‘i hamda "Oxratoksin A", "Aflotoksin B1-B2" moddalarini aniqlash xalqaro darajada tan olinadigan laboratoriya ekspertiza xulosasi berish yo‘lga qo‘yildi.



Samarqand viloyat O‘simliklar karantini va himoyasi boshqarmasi axborot xizmati


https://t.iss.one/SamTvr