#xalqaro_hamkorlik #kasbiy_taʼlim

Kasbiy ta’limni rivojlantirishda xalqaro hamkorlik

2024-yil 12-dekabr kuni Samarqand viloyat oliy ta’lim, fan va innovatsiyalar boshqarmasida Germaniya xalqaro hamkorlik jamiyati (GIZ)ning “O‘zbekistonda professional ta’lim tizimini isloh qilish va modernizatsiyalash jarayonlarini qo‘llab-quvvatlash” loyihasi mas’ullari ishtirokida Samarqand shahar 1-son politexnikumida xalqaro ta’lim dasturlarini joriy qilish bo‘yicha uchrashuv o‘tkazildi.

Uchrashuv davomida Berlin va Samarqanddagi kasbiy ta’lim muassasalar o‘rtasida kasb-hunar ta’limi sohasida samarali hamkorlik va barqaror rivojlanish maqsadida ular o‘rtasidagi ikki tomonlama aloqalarni mustahkamlash masalalari muhokama qilindi.

Kasbiy ta’lim muassasalari uchun MODESCHULE BERLIN - kiyim va moda markazi kasbiy tayyorgarlik va malakalarni taklif etdi.

Loyiha doirasida tashkil etiladigan treninglar va amaliyotlar yoshlar uchun xalqaro darajadagi ta’lim resurslari va metodikalarga kirish imkoniyatini yaratadi.

@SamTvr

#Zahira

Samarqand viloyatida 2024-2025 yillar qish-bahor mavsumida aholi va ijtimoiy muassasalarining asosiy turdagi qishloq xo‘jalik mahsulotlariga bo‘lgan ehtiyoji uchun 20 623 tonna kartoshka, 10 658 tonna piyoz, 7 406 tonna sabzi, 7 106 tonna guruch zahirasi jamg‘arilishi rejalashtirilgan. Shunga ko‘ra, Kattaqo‘rg‘on shahrida joylashgan “Dehqon” MChJ omborxonasida joriy yilning 12 dekabr holatiga ko‘ra, 99 tonna kartoshka, 120 tonna piyoz, 50 tonnadan sabzi va guruch mahsulotlari zahira qilingan. Ushbu zihiraga olingan mahsulotlarning fitosanitar tozaligini ta’minlash maqsadida o‘simliklar karantini va himoyasi tuman bo‘limi inspektorlari tomonidan to‘liq nazorat qilib borilmoqda. Omborxonalarga aldamchi xo‘raklar qo‘yilib, namunalari viloyat o‘simliklar karantini va himoyasi boshqarmasining fitosanitar laboratoriyasiga yuborilib, natijalari bo‘yicha xulosalar berilmoqda.



Samarqand viloyat Oʻsimliklar karantini va himoyasi boshqarmasi axborot xizmati

@SamTvr