МАШЪАЛ, САМАРҚАНД!

18 – октябрь – Самарқанд шаҳри кунига бағишланган

Жаҳонга беқиёс сайқал, Самарқанд,
Таърифлари минг бир ғазал, Самарқанд.

Сурату сийрати асрлар оша
Ҳамиша навқирон, гӯзал, Самарқанд.

Нотакрор ҳавою боғларинг кӯрки,
Боринг афсонаю масал, Самарқанд.

Боғи баланд каби боғларинг аро
Жаннат меваларинг асал, Самарқанд.

Ердаги биҳиштни кӯрай деганлар
Гӯзал дийдорингга маҳтал, Самарқанд.

Баҳодирлар жони фидодир сенга,
Ширин жонимдан ҳам афзал, Самарқанд.

Улуғ алломалар бешиги бӯлган
Янги Ренессансга машъал, Самарқанд!

Баҳодир Убайдуллоҳ.