📌Aholi o‘rtasida ekologik madaniyatni oshirish maqsadida targ‘ibot tadbirlari davom etmoqda

🌳Ekologik madaniyat bu ongli ravishda atrofimizni o‘rab turgan barcha muhitga nisbatan bizning ijobiy munosabatimiz ya’ni tabiat va atrof-muhitni asrashni oilada, mahallada, maktabda va jamoalarda shakllanib boradigan qadriyatlarimizdan biridir. Fuqarolarning atrof-muhitni muhofaza qilish va asrash bo‘yicha xabardorlik darajasini oshirish bugungi kundagi eng dolzarb masalalardan biri hisoblanadi.

🏡Qo‘shrabot tumani Ekologiya, atrof-muhitni muhofaza qilish va iqlim o‘zgarishi inspeksiyasi davlat inspektorlari tomonidan tumandagi Shavona mahallasida "Obod xonadon, obod ko‘cha, obod mahalla" mezonlari asosida mahallada va xonadonlarda ekilgan mevali va manzarali daraxtlardan foydalanish madaniyati, chiqindilarni belgilanmagan joyga tashlamaslik yuzasidan ekologik targ‘ibot va tushuntirish ishlarini olib bordi.

Samarqand viloyati Ekologiya boshqarmasi matbuot xizmati

https://t.iss.one/SamTvr

Hamkorlik memorandumi imzolandi

Bugun Samarqand shahridagi O'zbekiston Respublikasi Qurolli Kuchlari Kichik mutaxassislarni tayyorlash markazi hamda Yoshlar ishlari viloyat boshqarmasi o'rtasida yoshlarni harbit-vatanparvarlik ruhida tarbiyalash ishlarini yangi bosqichga olib chiqish maqsadida o'zaro hamkorlik to'g'risidagi memorandum imzolandi.

Memorandum doirasida tomonlar sohada amalga oshirilishi lozim bo'lgan ustuvor vazifalar yuzasidan o'zaro fikr almashishdi.

"Jasorat maktabi" loyihasi, "Harbiy qismda bir kun", "Avlodlar uchrashuvlari" kabi 20ga yaqin harbiy-vatanparvarlik loyihalarini yanada yoshlar o'rtasida samarali tashkil etish belgilab olindi.