⚡️Bulung‘urda ariq va zovurlar betonlashtirilmoqda

Bulung‘ur tumanida qishloq xo‘jaligida bahorgi mavsumga tayyorgarlik ishlari qizg‘in davom etmoqda. Xususan, ayni kunlarda mehnatkashlar tomonidan ariq va zovurlarni tozalash hamda suv yo‘qotishlarining oldini olish maqsadida ariqlarga beton qoplama yotqizish ishlari olib borilmoqda.

Soha mutaxassislarining ta’kidlashicha, ariqlarni betonlashtirish suv yo‘qotshlarini 60-70 foizdan 99 foizgacha kamaytirishga xizmat qiladi. Suv tanqisligi tobora avj olayotgan bugungi davrda esa mazkur chora g‘oyat muhim ahamiyat kasb etadi.

Joylarda tashkil etilgan jarayonlar umumxalq hashariga aylanib, ish ketayotgan dala boshining o‘zida doshqozonlarda osh damlandi. Bir maqsad yo‘lidagi birdamlik yurtdoshlarimizning shijoatiga kuch bag‘ishlamoqda, deyish mumkin.

Ayni vaqtda tumanning Zarafshon, Fozil Yo‘ldosh, Kildon, O‘zbekiston, Ipak yo‘li, Mingchinor agrofirmalari hududida jarayonlar uyushqoqlik bilan davom etmoqda.
https://t.iss.one/SamTvr