​Bugungi kunda O‘zbekiston va Xitoy munosabatlari navbatdagi bosqichga ko‘tarildi va bu jarayon tezlashib boryapti. O‘zbekistonning Xitoy bilan aloqalari keng qirrali, turli sohalari mavjud bo‘lgani kabi o‘simliklarni himoyalash tizimida ham hamkorlik tez suratlarda o‘smoqda.

Umuman, Xitoy bilan ko‘p qirrali aloqalar o‘rnatilgan, ko‘p sohalarni qamrab oladi. Yashil olamni himoyalashda bugun Xitoy kompaniyalari bilan bir qancha kelishuvlar imzolangan. Bundan tashqari, ekinlarni kasallik va zararkunandalardan himoyalash sohasida aloqalar ijtimoiy nuqtai nazardan yuqori bosqichga ko‘tarilishida muhim o‘rin egallamoqda.

O‘simliklar karantini va himoyasi Agentligi derektorining birinchi o‘rinbosari B.Hamraev bugun Samarqand viloyat o‘simliklar karantini va himoyasi boshqarmasida Xitoylik hamkorlar “JANGSU FREY AGROChEMIСALS” korxonasi ma’sul xodimi Luo Hong Xing, “JIANGSU GREENSCIE ChEMIKAL” korxonasi ish boshqaruvchisi Max Li hamda Ren Quanshenglar bilan organik va mineral o‘g‘itlarni O‘zbekiston hududdiga kiritish va uni ekinlarda qo‘llash bo‘yicha muzokara o‘tkazdi. Muzokarada qishloq xo‘jalik ekinlaridan yuqori va sifatli hosil yetishtirishda organik, mineral va biologik o‘g‘itlardan unumli, samarali foydalanish usullari shuningdek, ularning ba’zi zararli organizmlarga qarshi kurashishda samarali foydalanish bo‘yicha fikrlar almashindi.


Samarqand viloyat Oʻsimliklar karantini va himoyasi boshqarmasi axborot xizmati