Ота-оналар ва уларнинг ўрнини босувчи шахслар ўз фарзандларини вояга етгунига қадар боқиши, уларнинг тарбияси, таълим олиши, соғлом, тўлақонли ва ҳар томонлама камол топиши хусусида ғамхўрлик қилишга мажбурдирлар

«Самарқанд, умуман, Ўзбекистон сўнгги йилларда айнан экологик масалалар муҳокама қилинувчи катта миқёсдаги тадбирларни ўтказмоқда. Жаҳон банкининг асосий миссияларидан бири камбағалликни қисқартириш билан боғлиқ. Экологик муаммолар эса айнан камбағаллик масаласига таъсир этмай қолмайди.

Ушбу конференцияда нафақат ёввойи ҳайвонларнинг йўқолиб кетишига йўл қўймаслик, балки бу орқали табиатни асраш, Ўзбекистон ва Марказий Осиё тажрибасини ўрганиш ҳамда уларни қўллаб-қувватлашни мақсад қилганмиз. Биз давлатингиз раҳбарининг бу йўналишдаги таклифлари ва қарорларини қўллаб-қувватлаймиз. Шу ўринда Ўзбекистоннинг қўшни давлатлар билан яхши алоқалар ўрнатиб, музокаралар орқали табиат ўзгаришларига биргаликда курашаётгани эътиборга лойиқ. Шунинг учун ҳам мамлакат ёввойи ҳайвонлар турлари йўқолиб кетишининг олдини олишда натижаларга эришмоқда.

Ҳозир Ўзбекистонда атроф-муҳит, табиат, туризм билан боғлиқ дастуримиз мавжуд. Бундан ташқари, Марказий Осиё ва Ўзбекистон учун мўлжалланганлари ҳам бор. Айни вақтда 87 миллион долларлик инвестицион лойиҳамиз амалга ошмоқда».

«Турли хил ёввойи ҳайвонларнинг миграцияси бўйича конвенция жуда муҳим ҳисобланади. Қувонарлиси, ҳозирда мамлакатингиз бу борада ўзининг махсус дастурни амалга ошириш жараёнида. Масалан, Орол денгизининг қуриган тубида 2 миллион гектар майдонда ўрмонлар яратилгани ўсимликлар хилма-хиллигини ва ҳайвонот дунёсини қайта тиклаш имконини бермоқда. Бу ҳақда биз Президент табригида ҳам эшитдик.

Ўйлашимизча, Ўзбекистонда бу каби кўплаб, хусусан, ёввойи ҳайвонларнинг кўчиб юрувчи турларини сақлаш, назорат қилиш бўйича чора-тадбирлар амалга ошириляпти.

БМТ давлатингиз раҳбарининг табиатни ва биохилма-хилликни асрашга қаратилган барча таклиф ва ташаббусларини қўллаб-қувватлайди, ушбу ҳамкорлигимиз давом этади деган умиддамиз».