​​ISO eritmasi bilan ishlov olib borilmoqda

Pastdarg'om tumanidagi “Dilafro'z” fermer xo'jaligida oltingugurt va ohak eritmasi (ISO) tayyorlanib xo'jalikning 10 gektarli g'o'za maydoniga sepilmoqda.

Maʻlumot uchun! ISO ertimasi bilan g'o'za zararkunandalaridan 🕷 o'rgimchakkanaga qarshi dala chetlariga ishlov beriladi. Chunki, zararkunanda birinchi dala chetidagi begona o'tlarni zararlab, keyinchalik g'o'za maydonlariga tarqala boshlaydi. O'rgimchakkanaga qarshi kurashda ko'pchilik fermerlar bu vaziyatda ko'proq kimyoviy vositalardan (akarisid) larni qo'llaydi.
ISO - fungisid va akarisid taʻsiriga ega, to'q sariq yoki olcha rangidagi suyuqlik. Shu boisdan, ISO bilan ishlovlar olib borilsa samarasi juda yaxshi bo'lib, iqtisodiy tomondan esa arzonga tushadi. Dala sharoitida ham ISO suyuqligini bemalol tayyorlasa bo'ladi.

Tayyorlanishi va qo'llanilishi: 2 qism oltingugurt kukuni, 1 qism so'ndirilmagan ohak va 10 hissa suv qo'shib 1 soatcha qaynatiladi, so'ng filtrlanib, unga 40-45 hissa suv qo'shib tayyorlanadi. Qish, erta ko'klamda 3%-5ºli, o'suv davrida 0,5%-1ºli eritmasi purkaladi.

Samarqand viloyat Oʻsimliklar karantini va himoyasi boshqarmasi axborot xizmati