BOLAJONLAR UCHUN YANGI YIL BAYRAM TADBIRI TASHKIL ETILDI

Milliy gvardiya Samarqand viloyati boʻyicha boshqarmasi hamda Qoʻriqlash boshqarmasi hamkorligida xizmat vaqtida halok boʻlgan harbiy xizmatchi va xodimlarning farzandlari uchun Yangi yil bayram tadbiri tashkil etildi. Samarqand shahar qoʻriqlash boʻlimida bayram archasi bezatilib, u yerda yangi yil qahramonlari ham jam boʻlishdi. Bolajonlar tomonidan bayramga bagʻishlangan sher, qoʻshiq va raqslar ijro etildi. Shuningdek, hamkor tashkilotlardan biri boʻlgan Palma tabriklash xizmati jamoasi tomonidan qiziqarli oʻyinlar tashkil etilib, bolajonlarning mahoratlari sinovdan oʻtkazildi hamda oʻzlarining esdalik sovgʻalarini topshirishdi. Tadbirda qatnashgan ota-onalar farzandlarini qoʻllab- quvvatlab turishdi. Tadbir soʻnggida marhum harbiy xizmatchi va xodimlarning farzandlarini quvonchiga quvonch qoʻshish maqsadida bayram sovgʻalari topshirildi. Koʻtarinki ruhda boʻlib oʻtgan yangi yil bayram tadbiri barchaga yaxshi kayfiyat ulasha oldi.

Innovatsion rivojlanish hududiy boshqarmasi tomonidan talaba yoshlar va yosh olimlar bilan davra suhbati o'tkazildi.

Toshkent davlat iqtisodiyot universiteti Samarqand filialida yoshlar akademiyasi a'zolari, talaba yoshlar va yosh olimlar bilan birgalikda startap loyihalarni shakllantirish va ilmi tugagan loyihalarni tijoratlashtirish bo'yicha davra suhbati o'tkazildi.
Uchrashuvda ilmiy va innovatsion faoliyatni rivojlantirish borasida olib borilayotgan ishlar hamda ta'lim muassasasi tomonidan amalga oshirilgan va oshirilishi rejalashtirilgan startap loyihalar yuzasidan ko'rsatmalar berildi. Shuningdek, ishtirokchilarga Innovatsion rivojlanish Vazirligi tomonidan har yili o'tkazib kelinayotgan M.Ulug'bek vorislari hamda Samarqand viloyati yoshlarining startap va innovatsion loyihalarini qo'llab-quvvatlash tanlovlariga qatnashishlari bo'yicha yo'nalishlar berildi.

Telegram | Facebook | Youtube |Admin