Самарқанд вилояти божхона бошқармасида Ўзбекистон Республикаси Конституцияси қабул қилинганлигининг 30 йиллиги байрамига бағишланган тантанали тадбир бўлиб ўтди.

Тадбирда Конституция бу ҳар бир мамлакатнинг суверенитетини, миллий давлатчилиги ривожини, фуқаролари ҳаётини, жамиятдаги ўрни ва турмуш тарзини белгилаб берувчи асосий Қонун эканлиги таъкидланди.

Байрам муносабати билан хизматда юқори натижалар кўрсатиб келаётган 3 нафар ходимлар “Ўзбекистон Конституциясининг 30 йиллиги” кўкрак нишони билан тақдирландилар. Шунингдек, 5 нафар ходимларга навбатдаги унвонлар берилди.

Тадбир давомида вилоят божхона бошқармасига бириктирилган 33-умумтаълим мактаби ўқувчилари ўртасида “Конституцияни ўрганамиз”, “Конституция – менинг тақдиримда” шиори остида ўтказилган интеллектуал танловда ғолиб деб топилган 2 нафар ўқувчилар “Ёш божхоначи” кўкрак нишони билан тақдирланди.

Шунингдек, мактабда танловни ташкил этишда фаоллик кўрсатган 6 нафар ўқитувчиларга бошқарманинг ташаккурномаси берилди.

Ўзбекистон Республикаси Конституцияси қабул қилинганлигининг 30 йиллиги муносабати билан Самарқанд вилояти божхона бошқармаси ходимлари томонидан Самарқанд халқаро аэропортида йўловчилар иштирокида “Сиз Конституциямизни қанчалик биласиз?” шиори остида интеллектуал викторина ўтказилди.

Викториналарда чегара божхона постидан юртимизга кириб келган фуқароларимиз, ташқи иқтисодий фаолият иштироксилари фаол иштирок этишди ҳамда уларга эсдалик совғалари тақдим этилди.

Викторинада иштирок этган йўловчилардан Ўзбекистон Республикасининг асосий қонуни ҳисобланган Конституция тўғрисидаги билимлари синовдан ўтказилди.

Берилган саволларга тўлиқ жавоб берган иштирокчиларга Ўзбекистон Республикаси Конституцияси китоби совға қилинди.

https://t.iss.one/SamTvr