ОЛИЙ МАЖЛИС ДЕПУТАТИ САЙЛОВЧИЛАР БИЛАН УЧРАШДИ

Бугун Олий Мажлис Қонунчилик палатаси депутати Ш.Палванов Нуробод туманида бўлиб, сайловчилар билан учрашди.

Даставвал Нурободлик сайловчилар билан бўлиб ўтган учрашувда депутат сайловчиларга мамлакатимизда амалга оширилаётган ислоҳотлар, қонунчиликдаги янгиликлар ва ўзгаришлар, уларни амалга ошириш механизмлари ҳақида тушунчалар бериб ўтди.

Учрашув давомида фуқаролардан тушган турли мазмундаги мурожаат ва таклифлар алоҳида назоратга олиниб, уларни ҳал этиш бўйича чора-тадбирлар белгиланди.


https://t.iss.one/SamTvr

Вилоят ҳокимининг биринчи ўринбосари Оқдарёда ҳоким ёрдамчиларига дарс ўтди

Республикамиз бўйлаб “Ҳоким ёрдамчиси” лавозими ташкил этилмоқда. Бугунги кунда Оқдарё туманидаги 35 та маҳалла учун ҳам номзодлар саралаб олинди. Эндиликда уларнинг малакасини ошириш устида ишлар олиб борилмоқда.
Бугун туманимиздаги Оқдарё маҳалласида ҳоким ёрдамчиси негизида ташкил этилган ўқув семинарида Самарқанд вилоят ҳокимининг биринчи ўринбосари Ж.Ўроқов иштирок этиб, ёрдамчиларга дарс ўтди.
Туман ҳокими Ш.Қудратов, маҳалла раиси ва ҳоким ёрдамчиси лавозимига номзодлар иштирок этган мазкур семинар давомида вилоят ҳокими ўринбосари ҳоким ёрдамчисининг вазифалари, нималарга эътибор қаратиши лозимлиги, маҳалланинг ўсиш нуқтаси бўйича амалга ошириши лозим бўлган вазифалар шунингдек, аҳолининг тадбиркорлик ташаббусларини амалга оширишда молиявий кўмаклашиш масалаларини қисқа ва аниқ мисоллар билан тушунтириб берди.

Оқдарё туман ҳокимлиги ахборот хизмати


https://t.iss.one/SamTvr

Самарқанд туман Халқ таълими бўлими тасарруфидаги 34 умумий ўрта таълим мактабида Президентимиз томонидан илгари сурилаётган, ёшларни иқтидор ва истеъдодларини рўёбга чиқаришга хизмат қилувчи 5 муҳим ташаббус доирасида бир қатор ишлар амалга оширилиб келинмоқда.
Бу борада ўқувчилар ўртасида мунтазам турли спорт ўйинлари ҳамда мусобақалари ўтказилиб келинмоқда. Галдаги мактаб биринчилиги учун бўлиб ўтган футбол мусобақасида 9-10-11 синф ўқувчиларидан ташкил топган жамоалар иштирок этишди. Қизғин ва муросасиз кечган ўйинда 11 “А” синф ўқувчилари ғолибликни қўлга киритди. Ғолиб жамоа мактаб маъмурияти томонидан фахрий ёрлиқ ва эсдалик совғалари билан тақдирланди.

Шерзод Бек,
Самарқанд туман Халқ таълими бўлими тасарруфидаги
34 умумий ўрта таълим мактаби тарғиботчиси.


https://t.iss.one/SamTvr