Замонавий ва кўркам мактаб биноси фойдаланишга топширилди

Юртимизда таълим соҳасини ривожлантириш, умумий ўрта таълим тизимини янги замонавий босқичга кўтариш борасида кенг кўламли ишлар олиб борилмоқда. Мазкур йўналишда умумтаълим мактаблари замонавий тарзда қурилиб, ёшларнинг билим олишлари учун қулай шароитлар яратилмоқда.
Мана шундай шинам ва замонавий масканлардан бири бугун Тойлоқ туманида фаолиятини бошлади. 784 ўринга мўлжалланган 44-мактабнинг 3 қаватли биноси капитал таъмирланиб, Янги йил байрами арафасида фойдаланишга топширилди.
Инвeстиция дастури асосида 4,200 млрд. сўм маблағ эвазига таъмирланган ўқув биноси бугун замонавий қиёфа касб этиб, маҳалла аҳли, қолаверса, мактаб жамоасининг қувончига қувонч қўшмоқда.

https://t.iss.one/SamTvr