🇺🇿 Qadring baland bo‘lsin, ona tilim!

👉 28-sentabr kuni O‘zbekiston Respublikasi Bandlik va mehnat munosabatlari vazirining maslahatchisi Gullola Isakova hamda Samarqand viloyati hokimining maslahatchisi Sherali Temirov viloyat Bandlik bosh boshqarmasi hamda tizimidagi peshlavhalar, ommaviy targ‘ibot vositalari, e’lon, reklama va ko‘rgazmali boshqa axborot matnlari, ish qog‘ozlari va rasmiy blanklar davlat tilida, imlo xatolarsiz yuritilish holatini o‘rgandi. Samarqand shahrida joylashgan Samarqand shahridagi kasb hunarga o‘qitish markazi (KOICA) faoliyati bilan tanishdi. Davlat tilini izchil joriy etish jarayonini takomillashtirish va lotin yozuviga asoslangan o‘zbek alifbosiga mukammal o‘tishini ta’minlanish jarayonlarini o'rganish maqsadida Samarqand shahridagi “Ishga marhamat” monomarkazi, Samarqand shahar va Samarqand tumani Aholi bandligiga ko‘maklashish markazlarida bo‘lib, xodimlar bilan davra suhbatlari o‘tkazdi.

Sarvinoz Tursunova,
Viloyat Bandlik bosh boshqarmasi boshlig‘ining maslahatchisi

XALQ MANFAATINI OSHIRISH YO‘LIDA

Narpay tumanidagi barcha sektorlar shtabida sektor rahbarlari, mahalla raislari, profilaktika inspektorlari va iqtisodiy kompleks xodimlari ishtirokida seminar bo‘lib o‘tdi.

Galma-gal o‘tkazilgan seminarda “Mahallabay” ishlash tizimi, xalqning iqtisodiy manfaatini oshirish to‘g‘risida so‘z bordi.
_______

ХАЛҚ МАНФААТИНИ ОШИРИШ ЙЎЛИДА

Нарпай туманидаги барча секторлар штабида сектор раҳбарлари, маҳалла раислари, профилактика инспекторлари ва иқтисодий комплекс ходимлари иштирокида семинар бўлиб ўтди.

Галма-гал ўтказилган семинарда “Маҳаллабай” ишлаш тизими, халқнинг иқтисодий манфаатини ошириш тўғрисида сўз борди.

📝 Qaror ijrosi amalda

👉 O‘zbekiston Respublikasi Vazirlar Mahkamasining 2021-yil 10-fevraldagi "Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi 61-sonli qarori ijrosi yuzasidan Davlat kadastrlari palatasining Samarqand viloyat boshqarmasi rahbar va xodimlari Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazining Samarqand hududiy bo‘linmasi tomonidan sentabr oyida tashkil etilgan malaka oshirish o‘quv kursida ishtirok etishmoqda.

Azamat Nishanov,
Davlat kadastrlari palatasining Samarqand viloyat boshqarmasi Axborot xizmati rahbari