#Диққат

⚡️“Келажак лидерлари” — Давлат бошқаруви академиясида малака ошириш Дастурининг навбатдаги мавсуми давом этмоқда

✅ Дастур ислоҳотлар суръатига мос илғор кадрларни шакллантириш, уларни стратегик соҳаларга жалб этиш, давлат хизматида янги авлод раҳбар кадрлар захирасини яратиш мақсадида ташкил этилмоқда.

🔰 Дастурда давлат органлари ва ташкилотларида фаолият юритаётган 25 ёшга тўлган ва 35 ёшдан ошмаган олий маълумот ва 3 йил иш стажига эга бўлган бошқарув ходимлари ва мутахассислари иштирок этиши мумкин.

☝️Номзодлар рўйхати давлат органлари ва ташкилотлари раҳбарларининг тавсияномаси ҳамда @kelajak_liderlari_bot орқали онлайн тартибда жорий йилнинг 25 июнига қадар қабул қилинади.

Азиз ёшлар, учинчи Ренессанснинг янги авлод кадрлари сифатида майдонга чиқинг.

Кеча — орзу
Бугун — ҳаракат
Эртага — натижа

🔰"Келажак лидерлари" — Ўзбекистоннинг Миллий кадрлар захирасини шакллантиришдаги замонавий модули!

Агентлик Ахборот хизмати

​​ТИББИЙ ХОДИМ ИШГА ТИКЛАНДИ
Бош Қомусимизнинг 37-моддасида ҳар бир шахс меҳнат қилиш, эркин касб танлаш, адолатли меҳнат шароитларида ишлаш ва қонунда кўрсатилган тартибда ишсизликдан ҳимояланиш ҳуқуқига эга экани мустаҳкамлаб қўйилган.
Фуқароларимизнинг ушбу конституциявий ҳуқуқлари амалдаги меҳнат қонунчилигида ҳам ўз ифодасини топган бўлиб, қонунга кўра ҳеч ким асоссиз равишда ишдан бўшатилиши мумкин эмас. Аммо шунга қарамай, кундалик ҳаётда меҳнат билан боғлиқ низолар учраб турибди.
Мажбурий ижро бюроси Самарқанд шаҳар бўлими иш юритувига фуқаролик ишлари бўйича Самарқанд шаҳар судининг 2021 йил 4 июндаги қарорига асосан фуқаро М.З.ни Ўзбекистон Республикаси Ички ишлар вазирлиги Тиббиёт бошқармаси Реабилитация маркази бош тиббий ҳамшираси лавозимига ишга тиклаш бўйича қарори келиб тушган.
Мажбурий ижро ҳаракатлари давомида фуқаро М.З. Реабилитация маркази бош тиббий ҳамшираси лавозими вазифасига ишга тикланди.
Бу далилни келтиришдан мақсад шуки, ҳар бир иш берувчи меҳнат қонунчилигини чуқур билиши ва унга қатъий амал қилиши зарур. Шундагина ходимларнинг ҳуқуқлари ишончли ҳимоя қилинади, кўнгилсиз ҳолатлар юз бермайди.
Ўлмасжон ТЎРАҚУЛОВ,
Мажбурий ижро бюроси Самарқанд шаҳар бўлими
давлат ижрочиси.

​​JOY NOMLARI TABARRUK

👉 Toponimik obyektlarni tartibga solish O‘zbekiston Respublikasining 2011-yil 12-oktabrdagi “Geografik obyektlarning nomlari to‘g‘risida”gi 303-sonli qonuni bo‘yicha amalga oshiriladi. Qonunning 4-moddasiga asosan ko‘chalar, shohko‘chalar, mahallar, maydonlar, bog‘lar va aholi punktlarining tarkibiy qismlariga ayrim odamlar, jamoat arboblari, siyosiy arboblar ism-sharifini berishga, qoida tariqasida yo‘l qo‘yilmaydi, O‘zbekiston tarixida chuqur iz qoldirgan shaxslar bundan mustasno. Ushbu moddaga tayangan holda joriy yilning 6 oyi davomida viloyatda geografik obyektlarni nomlash va qayta nomlash borasida sezilarli ishlar amalga oshirildi, xususan, Narpay tumanida nomsiz va nomi qonun talablariga mos kelmaydigan 16 ta aholi punkti, 949 ta ko‘cha, 2 ta ziyoratgoh, 96 ta qabriston nomlari; Jomboy tumanida 225 ta ko‘cha nomlari; Urgut tumanida 13 ta yangi mahallalar; Nurobod tumanida 1 ta yangi aholi punkti, 99 ta ko‘cha nomlari ekspertizadan o‘tkazilib, xalq deputatlari viloyat hamda tuman Kengashlari qarorlari bilan tasdiqlandi va davlat reesti ba’zasiga kiritish uchun yuborildi. Bundan tashqari, Samarqand shahridagi nomsiz va nomi qonun talablariga mos kelmaydigan 130 ta ko‘cha; Kattaqo‘rg‘on shahrida nomsiz 68 ta ko‘cha; Toyloq tumanida nomsiz va nomi qonun talablariga mos kelmaydigan 49 ta ko‘cha, 18 ta qabriston nomlari; Oqdaryo tumanida nomsiz va nomi qonun talablariga mos kelmaydigan 10 ta ko‘cha; Ishtixon tumanida nomsiz va nomi qonun talablariga mos kelmaydigan 632 ta ko‘cha; Qo‘shrabot tumanida nomsiz 33 ta ko‘cha; Urgut tumanida nomsiz 10 ta ko‘cha; Bulung‘ur tumanida nomsiz va nomi qonun talablariga mos kelmaydigan 1 ta mahalla, 4 ta aholi punkti, 484 ta ko‘cha, 36 ta qabriston, 2 ta maydon, 4 ta ziyoratgoh nomlari bo‘yicha O‘zbekiston Respublikasi Davlat soliq qo‘mitasi huzuridagi kadastr agentligining 2021-yil 16-iyundagi 08-02883-sonli ekspertiza xulosalari olindi. Ekspertiza xulosalari asosida xalq deputatlari viloyat, shahar va tuman Kengashlari qarorlarini chiqarish uchun tegishli mutasaddilarga yuborildi.

Sherali Temirov,
Viloyat hokimi maslahatchisi,
Viloyat hokimligi huzuridagi geografik obyektlarni nomlash va qayta nomlash masalalari bo‘yicha komissiya raisi o‘rinbosari

#KUN_XABARLARI | 18.06.2021 YIL


✅ @Samtvr

#KUN_XABARLARI | 18.06.2021 YIL


✅ @Samtvr