Ўқитувчи ва мураббийлар куни муносабати билан таълим-тарбия тизимида алоҳида ўрнак кўрсатган ходимлардан бир гуруҳини мукофотлаш тўғрисида

​​Ассалому алайкум, ҳурматли Устозлар, қадрли мураббийлар! Сизларни қутлуғ байрам “Ўқитувчи ва мураббийлар” куни билан чин юракдан муборакбод этаман. Дунёдаги касбларнинг энг улуғи бу - ўқитувчидир. Ўқитувчи устоз, мураббий ҳисобланади. Чунки бизга ёзишни, ўқишни ва керакли билимни ўргатган. Шу ўринда Навоий ҳазратларининг устозлар ҳақидаги бир жумласини айтиб ўтсам:
Агар шогирд шайхулислом, агар қозидур,
Агар устоз рози – Тангри розидур.
Барча устозларни яна бир бор байрам билан табриклайман. Мана шундай шарафли касбда хизмат қилишдан ҳеч қачон чарчаманг! Ҳурмат билан Соатали АБИРАХМАТОВ.

​​​​Ҳурматли устозлар!
Қадрли ва фидойи ўқитувчилар!

Бугунги шарафли айёмда Сиз каби замонамиз қаҳрамонларини табриклаш ҳар бир шогирд учун шарафдир.
Дунёдаги барча эзгуликлар, кашфиёт, ихтиро, яратувчанлик ва бунёдкорликларнинг дебочаси сизлар ўргатган ҳарф, сизлар ўргатган сўз ва сизлар сабаб шаклланалиган саводхонликдан бошланади. Демакки ҳар қандай бахтимиз пойдевори сиз зиёкорлар ила мустаҳкамдир.
Шунинг учун Президентимизнинг “Янги Ўзбекистон мактаб остонасидан бошланади" деганлари ҳам бежиз эмас.

Жонажон Ватанимизнинг келажаги, буюклиги ва фарзандларимизнинг камолоти сиз азизларга боғлиқдир. Шахсан мен муаллим оиласида вояга етиб, камол топганимдан бахтиёрман. Менинг бахтим, аҳдим ва тахтим- ўқитувчининг фарзанди эканлигимдадир.

Меҳрибон устозлар! Сиз, азизларни, сизларнинг тимсолингизда ўз ҳаётини ёш авлод тарбиясидек шарафли ишга бағишлаган барча муаллим-мураббийларни 1 октябрь – Ўқитувчи ва мураббийлар куни билан самимий муборакбод этаман. Олижаноб ва масъулиятли фаолиятингизда куч-ғайрат, ютуқ ва омадлар, хонадонларингизга бахту саодат, файзу барака тилайман.

Сиз ҳамиша эъзозда, Биз ҳамиша таъзимдамиз.

Эҳтиром ила

Баҳодир РАҲМОНОВ,
"Овози Самарқанд" газетаси бош муҳаррири,
Халқ депутатлари Самарқанд шаҳар Кенгаши депутати

Адлия вазирлиги ҳузуридаги Давлат хизматлари агентлиги Самарқанд вилоят бошқармаси жамоаси 1 октябрь - Устоз ва мураббийлар куни муносабати билан юртимиздаги барча ўқитувчи ҳамда мураббийларни самимий муборакбод этади.

________
Каналга қўшилинг
👇👇👇
@Samtvr

Устозларга эҳтиром кўрсатилди

1 октябрь – “Ўқитувчи ва мураббийлар куни” муносабати билан Оқдарё тумани ҳокимлигида халқ таълими тизими ходимлари, ўқитувчилар, фахрий педагоглар иштирокида байрам тадбири ўтказилди.
Тадбирда туман ҳокими Нажмиддин Сулаймонов сўзга чиқиб, устоз ва мураббийларни касб байрами билан табриклади.
5 нафар ўқитувчига “Халқ таълими аълочиси” кўкрак нишони ҳамда бир гуруҳ ўқитувчиларга туман ҳокимлигининг Фахрий ёрлиқ ва эсталик совғалари топширилди.

Оқдарё туман ҳокимлиги ахборот хизмати

________
Каналга қўшилинг
👇👇👇
@Samtvr

O'zbekiston yoshlar ishlari agentligi Samarqand viloyati boshqarmasi boshlig‘ining ustozlarga bayram tabrigi!

Hurmatli ustozlar!

Sizlarni barchangizni, Siz orqali barcha jamoangizda faoliyat olib borayotgan fidoyi o'qituvchi hamda murabbiylarni kasb bayrami bilan viloyatdagi minglab yoshlarimiz nomidan samimiy qutlaymiz!

So'nggi yillarda ustoz va murabbiylik kasbining fidoyilariga davlatimiz tomonidan yaratib berilayotgan ulkan e'tibor, barcha yoshlarimizni mazkur sohaga bo'lgan qiziqishlarini yanada oshishiga xizmat qilmoqda.

Millatimizning ertasi, taraqqiyotining ustuni bo'lgan, ustoz degan sharafli soha egalarining barchasiga sihat-salomatlik, oilaviy baxt va kelgusidagi faoliyatida zafarlar tilab qolamiz.

Yosh avlodni bilimli va yurtimiz koriga yaraydigan komil farzadlar qilib tarbiyalashdan tolmang!

Bayramingiz muborak bo'lsin!

Viloyat yoshlari nomidan Xusan To'xtayev.

________
Каналга қўшилинг
👇👇👇
@Samtvr

Самарқандлик ўқитувчиларни касб байрами билан қутлашди

Юқори сифатли видеони YouTube ва Facebook тармоғидаги саҳифамизда кўришингиз мумкин:

YouTube: https://youtu.be/MDYHr7fMWwc

Facebook: fb.com/turdimov/videos/2673429902987837/

Каналга қўшилинг:
👉 https://t.iss.one/joinchat/AAAAAESDjh7O726kdKg2QA