ТИЛ – МИЛЛАТ КЎЗГУСИ
Ўзбекистон Республикасининг 1995 йил 21 декабрдаги “Давлат тили ҳақида”ги ҳамда 1998 йил 25 декабрдаги “Реклама тўғрисида”ги Қонунлари ва Ўзбекистон Республикаси Президентининг 2019 йил 21 октябрдаги “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида”ги 5850-сонли Фармони ҳамда Вазирлар Маҳкамасининг 2020 йил 20 февралдаги “Ташқи реклама бозорини тартибга солиш тўғрисида”ги 104-сонли Қарорлари ижросини таъминлаш юзасидан Самарқанд вилоят прокуратураси, Самарқанд шаҳар ҳокимлиги, шаҳар ИИОФМБ, шаҳар ДСИ, “Тасвирий ойина” ИУ ходимларидан иборат ишчи гуруҳ томонидан Самарқанд шаҳар Гулобод кўчасида тил қоидаларига зид равишда ўрнатилган 60 дан ортиқ реклама воситалари олиб ташланди. Мамлакатимизда миллий тилимизнинг ривожи ва равнақи, давлат тили сифатида барча жабҳаларда мустаҳкам ўрин эгаллашига катта эътибор қаратилмоқда. Бу каби ишлар мунтазам амалга оширилмоқда.

________
Каналга қўшилинг
👇👇👇
@Samtvr

Пайариқда асфальт кўчалар яна биттага кўпайди

Бугунги кунда Пайариқ туманида бунёдкорлик, йўлларга тош-шағал ва асфальтлаш ишлари кенг миқёсда амалга оширилаётганлиги ҳақида хабар берган эдик.
Мана шундай ислоҳотлар "Жувозхона" маҳалласи Жувозхона қишлоғида туман ҳокими Д.Мусинов ва Самарқанд шаҳар ободонлаштириш бошқармаси бошлиғи О.Абдуллаев назорати остида давом эттирилмоқда. Қишлоқнинг тупроқ йўлларига бугунги кунда асфальт ётқизиш ишлари юкунига етказиляпти. Бундан ташқари ушбу кўчаларни чароғон қилиб турувчи тунги ёритгич чироқлари ҳам ўрнатилди.
Қишлоқ аҳли хайрли ишларга бош бўлган барча мутасадди раҳбарларга Аллоҳдан куч-қувват ва фаолиятларига муваффақиятлар тилаб дуога қўл очишди.

Пайариқ туман ҳокимлиги ахборот хизмати

__________
Каналга қўшилинг
👇👇👇
@Samtvr

Аввал хабар берганимиздек, Иштихон туманида электр ва газдан қарздорликни бартараф этиш бўйича туман ҳокими раҳбарлигида йиғилишлар бўлиб ўтганди. Бугун туман ҳокими ва бошқа сектор раҳбарлари электр ва газдан қарзи бўлган тадбиркорлар ва фуқаролар билан жойларга чиқиб, суҳбатлашди. Суҳбатлар давомида бир қанча тадбиркор ва фуқаролар ўз қарзларини ўша вақтнинг ўзида тўлашди. Тўлашни истамаганлар эса электр ва газ тармоғидан вақтинча узиб қўйилди. “Қарзингизни тўлаган заҳотингиз сиз яна газ ва электр тармоғига уланасиз. Бунга кафолат бераман” деди туман ҳокими. Шунингдек, суҳбатлар давомида бир нечта фуқароларнинг ҳисоблагичлари “ақлли ҳисоблагич”ларга алмаштирилди.

________
Каналга қўшилинг
👇👇👇
@Samtvr