Tegishli litsenziyaga ega bo‘lmasdan yo‘lovchilarga pullik xizmat ko‘rsatish qonunga xilof!

Bugun, 11-dekabr kuni yo‘lovchi tashishga qo‘yilgan talablar ijrosi hamda sohada qonun ustuvorligini ta’minlash maqsadida Pastdarg‘om tumanida qo‘shma reyd tadbirlari olib borildi.

Unda Transport nazorati inspeksiyasi Avtomobil transportida nazorat Samarqand viloyati hududiy bo‘limi hamda viloyat IIB JXX YHXB xodimlari tomonidan aholiga pullik transport xizmatini ko‘rsatuvchi transport vositalarining me’yoriy hujjatlari ko‘zdan kechirildi.

Qo‘shma reyd davomida 60 ga yaqin holatda tender g‘olibi guvohnomasiga hamda tegishli litsenziyaga ega bo‘lmasdan yo‘lovchilarga pullik transport xizmati ko‘rsatish holatlari aniqlanib, ularga belgilangan tartibda ma’muriy bayonnomalar rasmiylashtirildi.

Bundan tashqari, 14 ta holatda tegishli me’yoriy hujjatlarga ega bo‘lmagan haydovchilarning transport vositalari IIB JXX YHXB xodimlari tomonidan vaqtinchalik saqlash maydonchalariga joylashtirildi.

#Maʼrifat_karvoni

Avval xabar berganimizdek, Samarqand shahridagi Yoshlar markazi binosida “Tamaddun, madaniyat va ma’rifat” mavzusida o‘tkazilayotgan “Ma’rifat karvoni” targ‘ibot tadbirlari doirasida “Zamonaviy yoshlar – taraqqiyot drayveri” mavzusida ilm-fan va innovatsiyalarga bag‘ishlangan mahorat darslari va “O‘zbekiston
obidalaridagi bitiklar” kitob taqdimoti boʻlib oʻtdi.

🔰Bizni ijtimoiy tarmoqlarda kuzating:
Telegram | Facebook | Instagram | You Tube