Xizmat sifatini oshirish yo‘lida…

Keyingi kunda jamoat transporti ishtirokida sodir bo‘lgan holatni hech qanday vaj bilan oqlab bo‘lmaydi. Bu kechirib bo‘lmas holatdir.

Jamoat transporti bilan bog‘liq noxush holatlarga chek qo‘yish, aholiga sifatli transport xizmatini ko‘rsatishni tashkil etish maqsadida O‘zbekiston Respublikasi Transport vazirligi huzuridagi Transport nazorati inspeksiyasi Samarqand viloyati hududiy bo‘limi hamda viloyat Transport boshqarmasi xodimlari barcha avtosaroylarda haydovchilar o‘rtasida profilaktik suhbatlar o‘tkazdi.

Unda jamoat transportida texnika xavfsizligiga, yo‘l harakati qoidalariga to‘liq rioya etish, yo‘nalish chizmasi va jadvali asosida harakatlanish, bekatlarda uzoq to‘xtalishlar orqali yo‘lovchilarning vaqtini behuda sarflamaslik masalalariga urg‘u berildi.

Haydovchilarning tashqi ko‘rinishi, kiyinish madaniyati, yo‘lovchilar bilan xushmuomalada bo‘lishi yuzasidan tashuvchi korxona rahbarlari mas’ul etib belgilandi.

@SamTvr