"Do'stlik" aholisining muammolari o'rganildi

Do'stlik mahallasi - tuman markazidan olis, 700 dan ziyod xonadon, mingga yaqin oila, hududi esa asosan adirliklardan iborat. Viloyatda Ishtixon tumani bilan chegaradosh va Payariqda hududi jihatdan katta mahallalardan biri hisoblanadi.
Bugun tuman hokimi boshchiligida ishchi guruh mahalladagi "Iskandarobod" va "Bashir" qishloqlarida bo'ldi.
Ma'lum bo'lishicha, hudud Payariq, aholi esa Ishtixon tumanida ro'yxatda turib, yashab kelmoqda. Bu esa fuqarolarga bir muncha noqulayliklar, ya'ni maktab, bog'cha, mahalla markaziga borishga uzoq yo'l va shu kabi boshqa ijtimoiy muammolarni keltirib chiqarmoqda.
Tuman hokimi hududni o'rganish davomida tegishli soha rahbarlariga qonunda belgilangan tartibda chegara hududlarini aniqlash, aholini, yer resurslarini to'liq xatlovdan o'tkazish kabi masalalar ko'rib chiqildi hamda qonun talablari asosida ushbu qishloqlarda yangi mahalla tashkil etish taklifini tuman Kengashiga kiritish tavsiya etildi.