XORAZMDA “VATAN TAYANCHI” OTRYADI A’ZOLARIGA KO‘KRAK NISHONI TOPSHIRILDI

O‘zbekiston Respublikasi Prezidentining tegishli qaroriga muvofiq “Vatan tayanchi” otryadi a’zolariga ko‘krak nishoni joriy etilgan bo‘lib, bugun ixtisoslashtirilgan maktab va maktab internatlarining bir guruh otryad a’zolarini taqdirlash marosimi bo‘lib o‘tdi.

Tantanali tadbirda O‘zbekiston Respublikasi Mudofaa vazirligi, viloyat Maktabgacha va maktab ta’limi boshqarmasi, “Vatan tayanchi” bolalar va o‘smirlar harbiy vatanparvarlik harakati, Milliy gvardiya va boshqa huquqni muhofaza qiluvchi organlar ishtirok etdi.

Tadbir yakunida harbiy orkestr jamoasi, sportchilar va harbiylarning ko‘rgazmali chiqishlari tashkil etildi.

Ma’lumot uchun, viloyatimizdagi 13 ta ixtisoslashtirilgan maktab va maktab internatlarining 260 nafardan ortiq o‘quvchilari ko‘krak nishonini qabul qilib oldilar.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌

#Xonqa_IM. Targ‘ibot.
Bugun 16-oktabr kuni Xonqa ixtisoslashtirilgan maktabida Xonqa tuman FV bo‘limi boshlig‘i D.Yusupov ishtirokida "Yong‘inlarning oldini olish profilaktikasi" mavzusida targ‘ibot mashg‘uloti o‘tkazildi. Unda o‘quvchilarga yong‘inlarning kelib chiqish sababi va oqibatlari, is gazidan zaharlanish, gaz va elektr jihozlaridan to‘g‘ri foydalanish yuzasidan tushuntirish berildi. Shuningdek, mashg‘ulot davomida mavzuga oid videorolik namoyish qilinib, o‘quvchilarga targ‘ibot materiallari tarqatildi.